တောင်ကိုရီးယားအဆိုတော်မင်းသမီး အိုင်ယူဟာ သူ့ရဲ့ပရိသတ်တွေအပေါ် စေတနာမေတ္တာထားတတ်တဲ့၊ အရမ်းရက်ရောတဲ့သူတစ်ယောက်ပါ။ မကြာသေးခင်က သူဟာ ပရိသတ်တွေအပေါ် စေတနာမေတ္တာထားကြောင်း ထပ်ပြီး သက်သေပြခဲ့ပါတယ်။
ဇွန်လ ၂၇ ရက်နေ့က အိုင်ယူဟာ သူ့ရဲ့ရုပ်ရှင်ဇာတ်ကားအသစ် Broker ပရိုမိုးရှင်းလုပ်ဖို့ အလည်သွားရောက်ခဲ့တဲ့ ဂျပန်နိုင်ငံကနေ အင်ချွန်းလေဆိပ်ကို ပြန်လည်ရောက်ရှိလာခဲ့ပါတယ်။ နောက်တစ်နေ့ကျ အိုင်ယူကို လေဆိပ်မှာ စောင့်ဆိုင်းနေတဲ့ ပရိသတ်တွေအပေါ်ထားတဲ့ သူ့ရဲ့ရက်ရောမှုအတွက် လူမှုကွန်ယက်မှာ ချီးကျူးခဲ့ကြပါတယ်။
အိုင်ယူက အရသာရှိတဲ့အဆာပြေစာမုန့်တွေကို လေဆိပ်မှာ စောင့်ဆိုင်းနေတဲ့ ပရိသတ်တွေအတွက် ဝယ်လာပြီးပေးခဲ့တာပါ။ ပရိသတ်တွေကို မုန့်တွေပေးခဲ့တဲ့အပြင် လေဆိပ်က ထွက်ခွာခါနီးမှာလည်း ပရိသတ်တွေရဲ့လက်ကို ကိုင်ပြီး နှုတ်ဆက်စကားပြောခဲ့ပါသေးတယ်။
လေဆိပ်က ပရိသတ်တွေကို မုန့်တွေ ပေးတာဟာ ပထမဆုံးအကြိမ်မဟုတ်ပါဘူး။ အရင်ကလည်း အိုင်ယူက ခရီးကပြန်လာတိုင်း ပရိသတ်တွေကို မုန့်တွေပေးလေ့ရှိပါတယ်။ အိုင်ယူက အလည်အပတ်သွားခဲ့တဲ့ နိုင်ငံတွေကနေ မုန့်တွေ ဝယ်လာခဲ့တာပါ။ ပရိသတ်တွေအတွက် အခုလို စေတနာမေတ္တာထားတာ အရင်ကတည်းကပေမဲ့ နောက်လည်း အိုင်ယူရဲ့ပရိသတ်တွေအပေါ် ချစ်ခြင်းမေတ္တာပြသမှုက ရပ်တန့်သွားမယ်မထင်ပါဘူး။
Ref: Allkpop & Koreaboo “IU Once Again Proves She’s The Kindest K-Pop Idol To Her Fans By Preparing Snacks For Them At The Airport”
Team ( ရိုးရာလေး )
