ပုံမှာ မြင်ရတာကတော့ ဂျပန်သတ္တုကုမ္ပဏီ ယာမာဂူချီဆိုင်ဆာကူရှိုက ဝါယာကြိုးတွေအသုံးပြုပြီး ဖန်တီးထားတဲ့ ကားပါ။ augmented reality(AR) လို့ ထင်ရပေမဲ့ တကယ်တမ်းတော့ မဟုတ်ပါဘူး။ လွန်ခဲ့တဲ့ ၁၀ နှစ်တုန်းက ကားပြပွဲတစ်ခုအတွက် ဖန်တီးပေးခဲ့တဲ့ ကား ၅ စီးထဲမှာ ဒီကားလည်း ပါဝင်ပါတယ်။
![](https://yoyarlay.com/wp-content/uploads/2023/07/3.7.23-yyl-10.jpg)
3D CAD ဆော့ဖ်ဝဲနဲ့ ဒီဇိုင်းဆွဲပြီး သံပြားတွေနဲ့ ကားတည်ဆောက်ပါတယ်။ ပြီးမှ လေဆာဖြတ်စက်အသုံးပြုပြီး သံပြားတွေကို ဖြတ်တောက်ပုံဖော်ပါတယ်။ အဲဒီနောက်မှာ ဝါယာကြိုးတွေကို ထည့်သွင်းဂဟေဆော်ပြီးမှ သံပြားတွေကို ဖယ်ရှားလိုက်တာပါ။
![](https://yoyarlay.com/wp-content/uploads/2023/07/3.7.23-yyl-11.jpg)
လွန်ခဲ့တဲ့ ၁၀ နှစ်ကတည်းက အဲဒီကားကို ဖန်တီးခဲ့တာဖြစ်ပေမဲ့ ၂၀၁၆ ခုနှစ်အထိ သတိမထားမိကြပါဘူး။ ပြပွဲအတွက် ကားမှာယူထားသူက ယာမာဂူချီဆိုင်ဆာကူရှိုကုမ္ပဏီထံ ဒီကားကို ပြန်ပို့ခဲ့ပြီး သူတို့ရဲ့ ကားပါကင်မှာ ထားတော့မှ လူတွေ သတိထားမိခဲ့ပြီး အွန်လိုင်းပေါ်မှာ ဓာတ်ပုံတွေ ပျံ့နှံ့လာခဲ့တာပါ။
![](https://yoyarlay.com/wp-content/uploads/2023/07/3.7.23-yyl-12.jpg)
Ref: Japanese Company Creates Incredibly Detailed Wireframe Car
NZ ( ရိုးရာလေး)