ဂီတဖျော်ဖြေပွဲရွှေ့လိုက်ပေမဲ့ ဝန်ထမ်း ၁၂၀ လုံးကို နှစ်ကုန်အထိ လစာပေးထားမယ့် ကန်းထရီးအဆိုတော် ကင်နီချက်စနေး

22-5-2020-yyl-048.jpg

နာမည်ကျော် ကန်းထရီးအဆိုတော် ကင်နီချက်စနေးဟာ Chillaxification Tour ဂီတဖျော်ဖြေပွဲကို ၂၀၂၁ ခုနှစ်အထိ ရွှေ့ဆိုင်းလိုက်ပေမဲ့ သူ့ရဲ့ဝန်ထမ်း ၁၂၀ လုံးကို နှစ်ကုန်အထိ လစာပေးထားမှာဖြစ်ပါတယ်။ L.A. Times နဲ့ အင်တာဗျူးအစီအစဉ်မှာ ချက်စနေးက အခုလို ပြောခဲ့တာပါ။

” ကျွန်တော် စိတ်ပူမိတယ်။ ကျွန်တော့်လို ဝန်ထမ်းများများ ခန့်ထားသူတိုင်း စိတ်ပူကြမှာပဲ။ ကျွန်တော့်မှာ ဝန်ထမ်း ၁၂၀ ရှိတယ်။ ဒီနှစ်ထဲမှာ ဘယ်သူ့ကိုမှ အလုပ်နားခိုင်းဖို့ မလိုသေးတာ ဘုရားကိုပဲ ကျေးဇူးတင်ရမှာပဲ။ လာမယ့် ၂ နှစ်၊ ၃ နှစ်လောက်အထိ ဖျော်ဖြေပွဲ မလုပ်နိုင်ဘူးဆိုရင်တော့ ကျွန်တော့်ဘဝ အနေအထား တော်တော်ပြောင်းလဲသွားလိမ့်မယ်။ ကျွန်တော် လိမ်မပြောပါဘူး။ ကုန်ကျစရိတ်က အရမ်းများလွန်းတယ်”လို့ ချက်စနေးက ပြောပါတယ်။ ချက်စနေးဟာ ဝန်ထမ်း ၁၂၀ အတွက် ကုန်ကျစရိတ်ဘယ်လောက်ရှိလဲဆိုတာ အတိအကျ ထုတ်ပြောဖို့ ငြင်းဆန်ခဲ့ပေမဲ့ ပမာဏ တော်တော်များတယ်လို့ ဆိုခဲ့ပါတယ်။

Nz(ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top