Kung Fu Panda 4 ဇာတ်ကားဟာ ရုံတင်ပြီး ၂ ပတ်မြောက်တဲ့အထိ North American box office ရဲ့ နံပါတ် ၁ နေရာမှာ ရပ်တည်နေပါတယ်။ ဒီအန်နီမေးရှင်းဇာတ်ကားက လက်မှတ်ရောင်းရငွေ ကန်ဒေါ်လာ သန်း ၃၀ ရရှိခဲ့တာပါ။
ဒီဇာတ်ကားရဲ့ ပထမဆုံးဇာတ်ကားကို ၂၀၀၈ ခုနှစ်ကစပြီး ပြသခဲ့စဉ်က Box Office မှာ ၁.၉ ဘီလျံရရှိခဲ့ပြီး နာမည်ကြီးဇာတ်ကားဖြစ်ခဲ့တာပါ။ မြောက်အမေရိကရှိ ၄၀၆၇ နေရာတွေမှာ ပြသနေတဲ့ Kung Fu Panda 4 က ပြည်တွင်းမှာ ရုံတင်ငွေ ကန်ဒေါ်လာ ၁၀၇ သန်းရရှိထားပြီးဖြစ်ပါတယ်။
Box Office ရဲ့ဒုတိယနေရာမှာရှိနေတာကတော့ ကန်ဒေါ်လာ ၂၉.၁ သန်းနဲ့ ရုံတင်တာ ၃ ပတ်မြောက်ပြီဖြစ်တဲ့ Dune Part Two ပါပဲ။ ပြီးခဲ့တဲ့အပတ်ကထက် ၃၇ ရာခိုင်နှုန်းလောက် ကျသွားပါတယ်။ အခုဆို ပြည်တွင်းမှာ ရုံတင်ငွေ ကန်ဒေါ်လာ ၂၀၅ သန်းရရှိထားပြီဖြစ်ပါတယ်။
Ref: ‘Kung Fu Panda 4’ repeats at No. 1 on the box office charts
WL (ရိုးရာလေး)
