၂၀၁၉-၂၀၂၀ ဘဏ္ဍာနှစ်မှာ ကျန်းမာရေးနှင့် အားကစားဝန်ကြီးဌာန ဝန်ထမ်းအိမ်ရာ အခန်းပေါင်း ၅၂၀၀ ကျော်ကို ထပ်မံဆောက်လုပ်သွားမယ့်သတင်း

ကျန်းမာရေးနှင့် အားကစားဝန်ကြီးဌာနအနေဖြင့် ၎င်းတို့၏ဝန်ထမ်းများ တာဝန်ထမ်းဆောင်ရာနေရာ ဒေသများတွင် နေထိုင်ရေးအဆင်ပြေစေရန်အတွက် ၂၀၁၉-၂၀၂၀ ဘဏ္ဍာနှစ်တွင် ဝန်ထမ်းအိမ်ရာအခန်းပေါင်း ၅၂၂၀ ကို ထပ်မံဆောက်လုပ်သွားမည်ဖြစ်သည်ဟု ပြည်ထောင်စုဝန်ကြီး ဒေါက်တာမြင့်ထွေးက အတည်ပြု ပြောကြားလိုက်သည်။

ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက စက်တင်ဘာ ၁၈ ရက်က မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၂ တွင်ကျင်းပခဲ့သည့် အခြေခံကျန်းမာရေးဝန်ထမ်းများ ညီလာခံနှင့် ဗဟိုအဆင့်လူထုကျန်းမာရေးစောင့်ရှောက်မှုလုပ်ငန်းဆန်းစစ်ဆွေးနွေးပွဲ၏ အမှာစကားတွင် ယခုကဲ့သို့ ထည့်သွင်းပြောကြားခဲ့ခြင်း ဖြစ်သည်။

ကျန်းမာရေးနှင့် အားကစားဝန်ကြီးဌာနအနေဖြင့် ဝန်ထမ်းများ နေထိုင်ရေးအဆင့်ပြေစေရန် ဝန်ထမ်း အိမ်ရာများဆောက်လုပ်ခြင်း၊ ဆောက်လုပ်ရေးဝန်ကြီးဌာနမှ အသင့်ဆောက်လုပ်ပြီး အိမ်ရာများကိုဝယ်ယူခြင်းတို့ကို ဆောင်ရွက်လျက်ရှိရာ အခန်းပေါင်း ၆၀၀၀ ကျော် ပြီးစီးခဲ့ပြီး အခန်းပေါင်း ၁၀၀၀၀ ကျော်မှာ ဆောက်လုပ်ဆဲ ဖြစ်ကြောင်း သိရသည်။

KST (ရိုးရာလေး)