မကြာသေးခင်ကမှ တောင်ကိုရီးယားမင်းသားချော လီဂျယ်ဝုနဲ့ asepa အဆိုအဖွဲ့ဝင် ကာရီနာတို့ ချစ်သူတွေဖြစ်နေတယ်ဆိုတဲ့ သတင်းထွက်ရှိခဲ့တာပါ။ အဲဒီသတင်းထွက်ရှိပြီးတဲ့နောက် မင်းသားနဲ့ပတ်သက်ပြီး ရေးသားထားတဲ့ အခြေအမြစ်မရှိတဲ့ပို့စ်တွေအတွက် တရားဥပဒေအရ အရေးယူသွားမယ်လို့ လီဂျယ်ဝုရဲ့အေဂျင်စီ C-JeS Studios က ဖေဖော်ဝါရီ ၂၉ ရက်နေ့မှာ ကြေညာခဲ့ပါတယ်။
“မင်္ဂလာပါ…C-JeS Studios ပါ
လီဂျယ်ဝုရဲ့ကိုယ်ရေးကိုယ်တာနဲ့ပတ်သက်တဲ့သတင်းအပြီးမှာ သူတို့တွေကို ချစ်ခင်လေးစားပေးကြဖို့ ကျွန်တော်တို့ လှိုက်လှိုက်လှဲလှဲမေတ္တာရပ်ခံခဲ့ပေမဲ့ မင်းသားနဲ့ပတ်သက်ပြီး မှားယွင်းတဲ့အချက်အလက်တွေ၊ ဆဲဆိုမှုအပါအဝင် ရည်ရွယ်ချက်ရှိရှိ စော်ကားပြောဆိုထားတဲ့ပို့စ်တွေကို အွန်လိုင်းမှာ တွေ့ရှိထားရပါတယ်။
ဒါက လူ့အခွင့်အရေးကို ပြင်းထန်စွာချိုးဖောက်နေပါတယ်။ တရားဥပဒေအရ ပြင်းထန်တဲ့ အရပ်ဘက်နဲ့ရာဇဝတ်မှုဆိုင်ရာ အရေးယူမှုတွေပြုလုပ်သွားမှာဖြစ်ကြောင်း ကျွန်တော်တို့ အသိပေးအပ်ပါတယ်။
ကျွန်တော်တို့တွေ အွန်လိုင်းက ပို့စ်တွေကို အဆက်မပြတ်စောင့်ကြည့်နေပြီး ပရိသတ်တွေက ဆိုးရွားတဲ့ပို့စ်တွေကို [email protected] ကို ပေးပို့ပါက တရားဥပဒေအရ အရေးယူတဲ့အခါ သူတို့ကို စဉ်းစားပေးသွားမှာပါ”လို့ အေဂျင်စီက ထုတ်ပြန်ခဲ့ပါတယ်။
ဆက်စပ်သတင်းဖတ်ရှုရန် – ချစ်သူတွေဖြစ်နေကြတယ်ဆိုတဲ့ မင်းသား လီဂျယ်ဝု နဲ့ aespa အဆိုအဖွဲ့ဝင် ကာရီနာ
https://yoyarlay.com/lee-jae-wook-and-aespas-karina…/
Ref: Lee Jae Wook’s Agency Announces Legal Action For Malicious Posts Following Dating News
WL (ရိုးရာလေး)
