Squid Game စီးရီးနဲ့ ပိုပြီးလူသိများလာခဲ့တဲ့ ကိုရီးယားမင်းသား လီဂျောင်ဂျေးက ဟောလိဝုဒ်ရုပ်ရှင်လောကထဲကို ခြေဆန့်တော့မှာဖြစ်ပါတယ်။ သူဟာ Disney+ ကနေ ထုတ်လွှင့်ပြသမယ့် “Star Wars” စီးရီးသစ် “The Acolyte” မှာ အဓိကအမျိုးသားဇာတ်ဆောင်အဖြစ် ပါဝင်သွားမှာဖြစ်ပါတယ်။
ဒီစီးရီးမှာ လီဂျောင်ဂျေးနဲ့အတူ အဓိကအမျိုးသမီးဇာတ်ဆောင်အဖြစ် မင်းသမီး အာမန်ဒလာ စတန်ဘာ့ဂျ်နဲ့ မင်းသမီး ဂျိုဒီ တန်နာတို့ ပါဝင်မှာဖြစ်ပါတယ်။ ဒီစီးရီးကို အမျိုးသမီးဒါရိုက်တာ လက်စ်လီ ဟတ်ဒ်လန်က ရိုက်ကူးမှာပါ။
“The Acolyte” စီးရီးက “Star Wars: Episode 1 – The Phantom Menace” မတိုင်ခင် ရာစုနှစ်တစ်ခုက အဖြစ်အပျက်တွေကို ဇာတ်အိမ်တည်ထားပါတယ်။ ဂျယ်ဒီတွေ အသန်မာဆုံးဖြစ်တဲ့အချိန်၊ Sith တွေ ကြယ်တာရာစုကနေ ချေမှုန်းသုတ်သင်ခံရတယ်လို့ ယူဆရတဲ့အချိန်ဖြစ်တဲ့ High Republic ခေတ်က ကြယ်တာရာစုကို ပုံဖော်ထားတယ်လို့ သိရပါတယ်။
Ref: Soompi “Lee Jung Jae To Play Male Lead In New “Star Wars” Series “The Acolyte””
Team ( ရိုးရာလေး )
