ဗြိတိန်လူငယ်တစ်ဦးဟာ စွန့်ပစ်ထားတဲ့ vape ဘက်ထရီ ၈၀ ကို အသုံးပြုပြီး သူ့ရဲ့ စကူတာကို အီလက်ထရောနစ် စကူတာအဖြစ် အသွင်ပြောင်းလဲခဲ့ပါတယ်။ စွန့်ပစ် အီလက်ထရောနစ်ပစ္စည်းတွေရဲ့ အသုံးဝင်မှုနဲ့ သဘာဝပတ်ဝန်းကျင်အပေါ် ထိခိုက်နိုင်မှုအကြောင်း လူတွေ သတိထားမိလာစေဖို့အတွက် တိုဘီယက်စ်က အခုလို လုပ်ပြခဲ့တာပါ။
သူ့သူငယ်ချင်းတွေ Vape သောက်ချိန်မှာ တိုဘီယက်စ်က Vape ဘက်ထရီတွေအကြောင်း လေ့လာခဲ့ပြီး တချို့ဘက်ထရီတွေက ၅ ကြိမ်တိုင်တိုင် အားသွင်းပြီး ပြန်အသုံးပြုနိုင်တာကို တွေ့ရှိခဲ့တာပါ။ သူဟာ eBay ကနေ စကူတာတစ်စီးကို ၃၇ ဒေါ်လာနဲ့ ဝယ်ယူခဲ့ပါတယ်။ အဲဒီနောက် စွန့်ပစ်ထားတဲ့ vape ဘက်ထရီ ၈၀ ကို ဝါယာကြိုးနဲ့ ချိတ်ဆက်ကာ စကူတာကို စွမ်းအင်ပေးဖို့ လုပ်ဆောင်ခဲ့တာပါ။
စကူတာကို ၃ နာရီကြာ အားသွင်းလိုက်တဲ့အခါ ၆ မိုင်ဝန်းကျင်လောက် စီးနှင်းနိုင်တယ်လို့ ဆိုပါတယ်။ Vape သောက်သူ တိုးပွားလာတာနဲ့အမျှ စွန့်ပစ်ဘက်ထရီတွေကတော့ ဓာတုပစ္စည်းတွေ ထွက်လာပြီး မြေထုညစ်ညမ်းစေနိုင်တာကိုလည်း တိုဘီယက်စ်က ထောက်ပြခဲ့ပါတယ်။
Ref: Man Used 80 Discarded Vape Batteries to Power an Electric Scooter Proving the Importance of E-Waste
NZ ( ရိုးရာလေး)
