မကြာသေးခင်က ကျင်းပပြုလုပ်ခဲ့တဲ့ ဂရမ်မီဆုပေးပွဲရဲ့ Red Carpet ပေါ် လျှောက်လမ်းလာခဲ့တဲ့ Flowers သီချင်းအဆိုရှင် မိုင်လီ ဆိုင်းရပ်စ်ရဲ့ဝတ်စုံကို တွယ်ချိတ် (အပ်ချိတ်) တွေနဲ့ ဖန်တီးခဲ့တာပါ။ ဖက်ရှင်ဒီဇိုင်နာဘရာဒလေ ကင်နက်သ်က ဒီဝတ်စုံကို ပြင်သစ်ရှေးဟောင်းပုတီးစေ့တွေအပါအဝင် တွယ်ချိတ်ပေါင်း ၁၄၀၀၀ နဲ့ဖန်တီးခဲ့တာပါ။
![](https://yoyarlay.com/wp-content/uploads/2024/02/8.2.24-yyl-2.jpg)
ဒီဝတ်စုံကို အနုစိတ်ဖန်တီးရတဲ့အတွက် နာရီပေါင်း ၆၇၅ နာရီ အချိန်ယူခဲ့ရတယ်လို့ သိရပါတယ်။ ဂရမ်မီဆုပေးပွဲမှာ မိုင်လီက ဒီဝတ်စုံအပြင် အခြားစတိုင်မိုက်တဲ့ဝတ်စုံတွေလည်းဝတ်ဆင်ခဲ့ပါတယ်။ Best Pop Solo Performance ဆုကို လက်ခံစဉ် ဝတ်ဆင်ခဲ့တာကတော့ ပြောင်လက်တောက်ပတဲ့ အနက်ရောင်ဝတ်စုံပါ။ အဲ့ဒီနောက် ဖျော်ဖြေတင်ဆက်ဖို့အတွက် ဝတ်ဆင်ခဲ့တာက ဒီဇိုင်နာ ဘော့ဘ် မက်ကီရဲ့အမြင်စူးရှစေတဲ့ဝတ်စုံပါ။
![](https://yoyarlay.com/wp-content/uploads/2024/02/8.2.24-yyl-3.jpg)
ချောကလက်ရောင် Gucci ဝတ်စုံကိုတော့ Record of the Year ဆု လက်ခံစဉ်မှာ ဝတ်ဆင်ခဲ့ပါတယ်။ ဆုလက်ခံစကားပြောကြားစဉ်အတွင်း အောက်ခံဘောင်းဘီဝတ်ဖို့ မေ့ခဲ့တယ်လို့တောင် စနောက်ခဲ့ပါသေးတယ်။ နောက်ပိုင်းကျမှ သူ စနောက်ခဲ့တာပါ။ ဝတ်စုံနဲ့လိုက်ဖက်တဲ့ Gucci တံဆိပ် အောက်ခံဘောင်းဘီကို ဝတ်ဆင်ခဲ့ပါတယ်လို့ သူ့ရဲ့အင်စတာဂရမ်အကောင့်မှာ ထုတ်ပြောပြခဲ့ပါတယ်။
![](https://yoyarlay.com/wp-content/uploads/2024/02/8.2.24-yyl-4.jpg)
Ref: Miley Cyrus’ Grammys dress was made of 14,000 safety pins
WL (ရိုးရာလေး)