မင်နီဆိုးတားပြည်နယ်က ကယ်လီ ကလိန်း (Kelly Klein) ဆိုတဲ့အမျိုးသမီးကတော့ ဒေသခံတွေ သတိရနေစေမယ့် ဆရာမတစ်ဦးပါပဲ။ ကျောင်းသား၊ကျောင်းသူတွေကို အွန်လိုင်းကနေတဆင့် မပျက်မကွက်စာသင်ကြားပေးတဲ့သူတစ်ယောက်ပါ။ သူဟာ သားဥအိမ်ကင်ဆာ (Ovarian Cancer) ကို တွန်းလှန်နေရတာအချိန်မှာတောင် စာသင်ကြားတာ မပျက်ခဲ့ပါဘူး။
![](https://yoyarlay.com/wp-content/uploads/2021/01/27-1-2021-yyl-49.jpg)
ကယ်လီဟာ ကင်ဆာဓာတုကုထုံးအတွင်းမှာတောင် အွန်လိုင်းကနေတဆင့် နေ့တိုင်းစာသင်ကြားပေးခဲ့ပါတယ်။ ကင်ဆာရောဂါအတွက် ကုသမှုခံယူစဉ်အတွင်း ခွင့်ယူဖို့ ငြင်းဆန်ခဲ့တဲ့အထိ တကယ်တော်တဲ့ ဆရာမတစ်ဦးပါပဲ။ ဒါပေမဲ့ သူဟာ လွန်ခဲ့တဲ့ ၅ နှစ်က ရောဂါကို စတင်ခံစားခဲ့ရတဲ့အချိန်တုန်းကတော့ အရမ်းနေမကောင်းဖြစ်လွန်းလို့သာ ခွင့်ပြုခဲ့ရပါတယ်။ “ကျွန်မ လွန်ခဲ့တဲ့ ၅ နှစ်က ကင်ဆာရောဂါကို စတင်ခံစားခဲ့ရတာပါ။ ကျွန်မ အရမ်းနေမကောင်းတဲ့အတွက် ခွင့်ယူခဲ့ပါတယ်။ ကျွန်မ စာသင်ကြားရတာကို အရမ်းလွမ်းခဲ့ရတာပါ”လို့ ကယ်လီက ပြောပါတယ်။
![](https://yoyarlay.com/wp-content/uploads/2021/01/27-1-2021-yyl-50.jpg)
မူကြိုကလေးတွေက အွန်လိုင်းကနေတဆင့် ကယ်လီကုသမှုခံယူနေရတာကို မြင်တွေ့နေရတာပါ။ ကယ်လီဟာ (၅) နှစ်ကလေးတွေနဲ့ (၄-၅) နာရီလောက် အချိန်ကုန်ဆုံးနေရတာက သူ့ကို ကင်ဆာရောဂါသက်သာစေတဲ့ အကောင်းဆုံးနည်းလမ်းပါပဲတဲ့။ “ကလေးတွေနဲ့ (၄-၅) နာရီလောက် အချိန်ကုန်ဆုံးရတာ ဘယ်လောက်ကောင်းလိုက်သလဲ။ ဒါက အချိန်တွေကို မြန်မြန်ကုန်စေတယ်။ ကျွန်မကိုလည်း ပြုံးစေတယ်” လို့ ကယ်လီက ပြောပါတယ်။
![](https://yoyarlay.com/wp-content/uploads/2021/01/27-1-2021-yyl-51.jpg)
ကင်ဆာရောဂါနဲ့တောင် လူတွေက အသက်ရှင်ရပ်တည်နိုင်တယ်ဆိုတာကို ကျောင်းသား၊ကျောင်းသူတွေအားလုံးကို ပြချင်တယ်လို့ ကယ်လီက ပြောပါတယ်။ “ကုသမှုခံယူနေစဉ်အတွင်း ဘာလို့ ငါမသင်နိုင်ရမလဲ၊ နေ့တိုင်း စာသင်ဖို့ ကလေးတွေမရှိရင် ဘယ်လိုလုပ်မလဲလို့ ကျွန်မတွေးဖြစ်တယ်။ ကျွန်မရဲ့ကျောင်းသား/သူတွေက ခွန်အားဖြစ်စေတယ်”လို့ ကယ်လီကပြောပါတယ်။ ကယ်လီဟာ သူ အသက်ရှင်နေသရွေ့ ကျောင်းသား/သူတွေကို သင်ခန်းစာတွေ အကောင်းဆုံးသင်ကြားပေးနေပါတယ်။
Ref: CBSNews “Minnesota teacher with cancer continues virtual classes, even during chemotherapy”
WL (ရိုးရာလေး)