အနံ့ခံခွေးတွေဟာ မူးယစ်နှိမ်နင်းရေးတပ်ဖွဲ့တွေရဲ့ လက်စွဲဖြစ်ခဲ့ပေမဲ့ တရုတ်ရဲတပ်ဖွဲ့ကတော့ အဲဒီအစဉ်အလာကို ပြောင်းလဲခဲ့ပါတယ်။ ချုံကင်းမြို့ ဟီချွန်းခရိုင် ရဲတပ်ဖွဲ့က မူးယစ်ဆေးဝါးတွေ အနံ့ခံရှာဖွေဖို့ အထူးလေ့ကျင့်ထားတဲ့ ရှဉ့်တွေကို အသုံးပြုတော့မှာ ဖြစ်ပါတယ်။
ရှဉ့်တွေ အနံ့ခံကောင်းတာကို သိပ္ပံပညာရှင်တွေ သိတာ ကြာပြီဖြစ်ပေမဲ့ သူတို့ကို လေ့ကျင့်ပေးနိုင်မယ့် အဆင့်မြင့်နည်းလမ်းတွေကိုတော့ အခုနောက်ပိုင်းမှ တွေ့ရှိခဲ့ကြတာပါ။ ဟီချွန်းခရိုင် ရဲခွေးအဖွဲ့က ပထမဆုံးအသုတ်အဖြစ် မူးယစ်ဆေးဝါး အနံ့ခံရှဉ့် ၆ ကောင်ကို သားဖောက်၊ လေ့ကျင့်ပေးနိုင်ခဲ့ပြီး မကြာခင် တာဝန်ထမ်းဆောင်စေတော့မှာပါ။
ရှဉ့်တွေက မူးယစ်ဆေးဝါးအနံ့ရရင် အဲဒီနေရာကို ကုပ်ခြစ်မှာပါ။ ရှဉ့်တွေဟာ မူးယစ်ဆေးဝါးအနံ့ခံ ရှာဖွေတဲ့နေရာမှာ ခွေးတွေနီးပါး စွမ်းဆောင်နိုင်သလို ခွေးတွေမတတ်နိုင်တဲ့ အမြင့်နေရာတွေကိုလည်း တက်ရောက်နိုင်စွမ်း ရှိလို့ ပိုအားသာတယ်လို့ ဆိုပါတယ်။
Ref: Move Over Sniffer Dogs, Drug-Detecting Squirrels Are Here
NZ ( ရိုးရာလေး)
