တရုတ်နှစ်သစ်ကူးမှာ မလေးရှားနိုင်ငံမှ သူဌေးတစ်ယောက်က သူ့ရဲ့ဝန်ထမ်းတွေကို ထူးခြားတဲ့အစီအစဉ်နဲ့ အန်ပေါင်း(Angpow) ပေးခဲ့ပါတယ်။ ပုံမှန်အားဖြင့် တရုတ်နှစ်သစ်ကူးရောက်ရင် ဆွေမျိုးအချင်းချင်း ဒါမှမဟုတ် အလုပ်ရှင်ကနေ သူ့ဝန်ထမ်းတွေကို အနီရောင်စာအိတ်ထဲမှာ ငွေထည့်ပေးလေ့ ရှိပါတယ်။
![](https://yoyarlay.com/wp-content/uploads/2024/02/13.2.24-yyl-11.jpg)
မလေးရှားနိုင်ငံ ကွာလာလမ်ပူမြို့အခြေစိုက် MNJ Kitchen မီးဖိုချောင်သုံးပစ္စည်း ရောင်းဝယ်၊ တပ်ဆင်ရေးကုမ္ပဏီပိုင်ရှင် မိုက်ကယ်ကတော့ စားပွဲပေါ်မှာ ရန်းဂစ်ငွေ ၆၀၀၀ တန်ဖိုးရှိတဲ့ ငွေစက္ကူတွေ ( မြန်မာငွေ ၄၁ သိန်းဝန်းကျင် ရှိ)ကို ဖြန့်ခင်းထားပြီး ဝန်ထမ်းတွေကို ဇလုံနဲ့ ယောင်းမပေးပါတယ်။ ဝန်ထမ်းတစ်ဦးချင်းစီဟာ ယောင်းမကိုသုံးပြီး စားပွဲပေါ်မှ ငွေစက္ကူတွေကို ဇလုံထဲ ကော်ထည့်ခွင့် တစ်ကြိမ်စီ ရပါတယ်။ ဒါပေမဲ့ မျက်စိကို စည်းပြီးမှ ကော်ထည့်ခွင့် ပေးတာပါ။
![](https://yoyarlay.com/wp-content/uploads/2024/02/13.2.24-yyl-12.jpg)
မိုက်ကယ်ဟာ မနှစ်ကတည်းက အခုလို ပျော်ရွှင်စရာ ဂိမ်းကစားနည်းနဲ့ အန်ပေါင်းပေးခဲ့တာဖြစ်တယ်လို့ ကုမ္ပဏီဝန်ထမ်း အမျိုးသမီးတစ်ဦးက ဆိုပါတယ်။ တရုတ်နှစ်သစ်ကူး ညစာစားပွဲမတိုင်ခင် ဝန်ထမ်းတွေကို အန်ပေါင်းပေးတဲ့ ဂိမ်းကစားနည်းအစီအစဉ် လုပ်ခဲ့တာဖြစ်ပြီး လစာအပြည့် ခွင့်ရက် ၂ ရက်လည်း ပေးခဲ့ပါသေးတယ်။
Ref: M’sian Boss Puts RM6K on Table for CNY Game & Allows Staff to “Scoop” as Much Money as They Can
NZ( ရိုးရာလေး)