ဒဏ်ရာရနေတဲ့ ပင်လယ်ဖျံတွေကို ဆေးကုသပေးပြီး ပင်လယ်ဖျံဆေးရုံ တည်ထောင်ပေးခဲ့တဲ့ ဗြိတိန်နိုင်ငံသူ အမျိုးသမီးဟာ Animal Action Award ဆု ဆွတ်ခူးနိုင်ခဲ့ပါတယ်။ ဗြိတိန်နိုင်ငံ ကွန်းဝဲလ်ကောင်တီမှာ နေထိုင်သူ လစ်ဇီဟာ British Divers Marine Life Rescue အဖွဲ့မှာ လုပ်အားပေးအဖြစ် ပါဝင်နေသူပါ။ သူဟာ ဒဏ်ရာရနေတဲ့ ပင်လယ်ဖျံတွေကို ကုသပေးဖို့ Airbnb မှာ အငှားတင်ခဲ့ဖူးတဲ့ သူ့အိမ်ကိုတောင် ပင်လယ်ဖျံဆေးရုံအဖြစ် ပြောင်းလဲပစ်ခဲ့သူပါ။
ဒါပေမဲ့ သူအိမ်က အခန်း ၆ ခန်းပဲ ကန့်လို့ရပြီး နေရာကျဉ်းတဲ့အတွက် လစ်ဇီက သူ့ခင်ပွန်းနဲ့ တခြားလုပ်အားပေးတွေရဲ့ အကူအညီရယူကာ နေရာသစ်တစ်ခုမှာ ပင်လယ်ဖျံဆေးရုံသစ် တစ်လုံးဆောက်လုပ်ခဲ့ကြပါတယ်။ ပင်လယ်ဖျံ ဆေးရုံသစ်က အခန်း ၁၀ ခန်းအထိ ကန့်လို့ရပြီး ဒီနှစ်အတွင်း ဒဏ်ရာရနေတဲ့ ပင်လယ်ဖျံ ၁၀၀ အထိ ကုသပေးနိုင်မယ်လို့ မျှော်လင့်ထားကြပါတယ်။ လစ်ဇီဟာ ပင်လယ်ဖျံတွေအပြင် ဒဏ်ရာရနေတဲ့ ရေနေသတ္တဝါတိုင်းကို ကုသ၊ ထူထောင်ပေးနိုင်ဖို့လည်း ကြိုးပမ်းလျက် ရှိပါတယ်။
Ref: Ocean Lover Saves 1,000 Seals off Britain–and Even Built Them a Hospital
NZ ( ရိုးရာလေး)
