ဆိုက်ဘေးရီးယားက တိရစ္ဆာန်ဥယျာဉ်တစ်ခုမှာ မွေးဖွားခဲ့တဲ့ ချစ်ဖို့ကောင်းတဲ့ ကျားသစ်နက်တစ်ကောင်ရှိခဲ့ပါတယ်။ ဒါပေမဲ့ လူနာ ဆိုတဲ့ အဲဒီကျားသစ်နက်ကလေး မွေးဖွားပြီး ၇ ရက်မြောက်နေ့မှာ သူ့မိခင်က နို့တိုက်ကျွေးတာတွေမလုပ်ဘဲ ငြင်းဆန်နေခဲ့တဲ့အတွက် အသက်ရှင်သန်နိုင်မယ့်အခွင့်အရေးက အလွန်နည်းပါးခဲ့ပါတယ်။ ကံကောင်းထောက်မစွာနဲ့ပဲ လူနာကို ကယ်တင်ဖို့ အမျိုးသမီးတစ်ဦး (အမည်ကိုဖော်ပြထားခြင်းမရှိပါ) ပေါ်လာခဲ့ပါတယ်။ အဲဒီအမျိုးသမီးက တိရစ္ဆာန်တွေကို ဘယ်လိုပြုစုရမလဲဆိုတာသိတဲ့အတွက် လူနာ အသက်ရှင်နိုင်ဖို့အတွက် အကူအညီပေးခဲ့ပါတယ်။
![](https://yoyarlay.com/wp-content/uploads/2021/03/The-newborn-panther-was-abandoned-by-its-mother-but-found-love-in-a-human-and-a-Rottweiler-dog-604b1e1ae236e__700-1.jpg)
![](https://yoyarlay.com/wp-content/uploads/2021/03/The-newborn-panther-was-abandoned-by-its-mother-but-found-love-in-a-human-and-a-Rottweiler-dog-604b1e411a6bf__700.jpg)
အဲဒီအမျိုးသမီးက လူနာဘယ်လိုအစားအစာတွေစားလဲ၊ ဘယ်လိုလေ့ကျင့်ခန်းတွေလုပ်ဆောင်ပေးသင့်လဲ၊ ဘယ်လိုဗီတာမင်ဓာတ်တွေ တိုက်ကျွေးရမလဲဆိုတာ သိတဲ့သူတစ်ယောက်ပါ။ လူနာကို သေချာဂရုစိုက်ပေးခဲ့ပြီး လိုအပ်တဲ့ဗီတာမင်ဓာတ်တွေလည်း တိုက်ကျွေးပေးခဲ့ပါတယ်။ အဲဒီလိုပြုစုစောင့်ရှောက်ပေးရင်းနဲ့ လူနာလည်း အသက်ဘေးကနေလွှတ်မြောက်ခဲ့ပြီး မကြာခင်မှာပဲ အဲဒီအမျိုးသမီးက လူနာကို သံယောဇဉ်တွဲလာတဲ့အတွက် တိရစ္ဆာန်ဥယျာဉ်ကနေ ဝယ်ယူကာ မွေးစားခဲ့ပါတယ်။
![](https://yoyarlay.com/wp-content/uploads/2021/03/The-newborn-panther-was-abandoned-by-its-mother-but-found-love-in-a-human-and-a-Rottweiler-dog-604b1e251d2da__700.jpg)
![](https://yoyarlay.com/wp-content/uploads/2021/03/The-newborn-panther-was-abandoned-by-its-mother-but-found-love-in-a-human-and-a-Rottweiler-dog-604b1e294aafa__700.jpg)
လူနာလည်း အဲဒီအမျိုးသမီးရဲ့မိသားစုဝင်ဖြစ်လာခဲ့ပါတော့တယ်။ အဲဒီအိမ်မှာ ဗန်ဇာဆိုတဲ့ ခွေးလေးတစ်ကောင်လည်းရှိပါတယ်။ လူနာက ဗန်ဇာလို့ ခွေးမျိုးနဲ့ မတွေ့ဖူးခဲ့ပေမဲ့ နောက်ပိုင်းမှာ သူတို့နှစ်ကောင် ရင်းနှီးသွားခဲ့ပြီး အကောင်းဆုံးသူငယ်ချင်းတွေဖြစ်လာခဲ့ပါတယ်။ သူတို့နှစ်ကောင်ဟာ အတူတူပြေးလွှားကစားကြပြီး ခွဲထားလို့တောင်မရတော့ပါဘူး။
![](https://yoyarlay.com/wp-content/uploads/2021/03/The-newborn-panther-was-abandoned-by-its-mother-but-found-love-in-a-human-and-a-Rottweiler-dog-604b1e65cdbd2__700.jpg)
![](https://yoyarlay.com/wp-content/uploads/2021/03/The-newborn-panther-was-abandoned-by-its-mother-but-found-love-in-a-human-and-a-Rottweiler-dog-604b1e5b56f1f__700.jpg)
![](https://yoyarlay.com/wp-content/uploads/2021/03/The-newborn-panther-was-abandoned-by-its-mother-but-found-love-in-a-human-and-a-Rottweiler-dog-604b1e5f2fd03__700.jpg)
အခုဆိုရင် ပေါက်စလေးကတည်းက လူတွေနဲ့ကြီးပြင်းလာခဲ့တဲ့ လူနာဟာ အရွယ်ရောက်လာပြီး ကျန်းမာသန်စွမ်းကာ လှပတဲ့ကျားသစ်နက်ကြီးတစ်ကောင်ဖြစ်နေပါပြီ။ လူနာရဲ့ဗီဒီယိုတွေကို Luna_the_pantera ဆိုတဲ့ YouTube Channel မှာ ကြည့်ရှုလို့ရပါတယ်။