ကိုရီးယားမင်းသမီးချောပတ်မင်ယောင်ဟာ ချမ်းသာကြွယ်ဝတဲ့ ကုမ္ပဏီသူဌေးနဲ့ ချိန်းတွေ့နေတယ်ဆိုတဲ့ ကောလဟာလသတင်းတွေ ထွက်ပေါ်လာခဲ့ပါတယ်။ ပတ်မင်ယောင်နဲ့ ချိန်းတွေ့တဲ့သူက အရမ်းချမ်းသာကြွယ်ဝတဲ့အမျိုးသား “မစ္စတာကန်”လို့ပဲ တချို့မီဒီယာတွေက ဖော်ပြထားပါတယ်။
သတင်းမီဒီယာတွေမှာ ဖော်ပြထားတာကတော့ လက်ရှိမှာ ပတ်မင်ယောင်က အလွန်ချမ်းသာကြွယ်ဝတဲ့ မစ္စတာကန်နဲ့ ချိန်းတွေ့နေပါတယ်။ မစ္စတာကန်က တောင်ကိုရီးယားနိုင်ငံရဲ့ဒုတိယအကြီးဆုံးဒီဂျစ်တယ်ငွေကြေးလဲလှယ်တဲ့ကုမ္ပဏီ Bittumb ရဲ့ပိုင်ရှင် (သိုသိုသိပ်သိပ်နေတတ်တဲ့သူ) ဖြစ်တယ်လို့ ဆိုပါတယ်။ ပတ်မင်ယောင်က မစ္စတာကန်ရဲ့နေအိမ်မှာ ချိန်းတွေ့နေတာကို မြင်တွေ့ခဲ့ရတယ်။ အဲဒါအပြင် Hannam The Hill ကွန်ဒိုမီနီယံအိမ်ရာက မစ္စတာကန်ရဲ့ဗီလာကနေ အလုပ်သွားတာကိုလည်း မကြာခဏမြင်တွေ့ခဲ့ရတယ်လို့ ဖော်ပြထားပါတယ်။
ဒီသတင်းကို စပြီးဖော်ထုတ်ခဲ့တာက Dispatch သတင်းဌာနကြီးကပါ။ Dispatch သတင်းဌာနကတော့ ပတ်မင်ယောင်ဟာ Bithumb ရဲ့စီအီးအို ကန်ဂျုံဟွန်နဲ့တွဲနေတယ်လို့ ဆိုပါတယ်။ လွန်ခဲ့တဲ့ (၂) လကတည်းက ကန်ဂျုံဟွန်ကို နောက်ယောင်ခံလိုက်နေခဲ့တယ်လို့ ပြောပါတယ်။ သူတို့တွဲနေခဲ့တာ ဘယ်လောက်ကြာပြီးဆိုတာကိုတော့ Dispatch က သေသေချာချာမဖော်ပြခဲ့ပါဘူး။
စက်တင်ဘာ ၂၈ ရက်နေ့မှာ ပတ်မင်ယောင်ရဲ့အေဂျင်စီ Hook Entertainment က ဒီသတင်းနဲ့ပတ်သက်ပြီး ဖြေကြားခဲ့ပါတယ်။ “ကျွန်တော်တို့ အချက်အလက်တွေကို အတည်ပြုဖို့ လုပ်ဆောင်နေပါတယ်။ လက်ရှိမှာ ပတ်မင်ယောင်က tvN ရဲ့ “Love In Contract” ဒရာမာအတွက် ရိုက်ကူးနေပါတယ်။ အဲဒါကြောင့် ကျွန်တော်တို့ရဲ့အချက်အလက်အတည်ပြုချက်က နှောင့်နှေးနေပါတယ်။ တရားဝင်ထုတ်ပြန်ချက်ကို အမြန်ထုတ်ပြန်နိုင်ခြင်းမရှိတဲ့အတွက် နားလည်ပေးဖို့ မေတ္တာရပ်ခံအပ်ပါတယ်”
မင်းသမီးချော ပတ်မင်ယောင်က နာမည်ကြီးမင်းသမီးတစ်ယောက်ဖြစ်ပြီး City Hunter၊ What’s Wrong with Secretary Kim လို ပရိသတ်တွေကြား ရေပန်းစားခဲ့တဲ့ ဇာတ်လမ်းတွဲတွေနဲ့ လူသိများပါတယ်။ လက်ရှိ သူ ပါဝင်သရုပ်ဆောင်နေတဲ့ “Love In Contract” ဇာတ်လမ်းတွဲသစ်ကလည်း စက်တင်ဘာ ၂၁ ရက်နေ့ကစတင်ပြီး ထုတ်လွှင့်ပြသနေပါပြီ။
Ref: Allkpop & Koreaboo “Park Min Young gets swept up in dating rumors with a ‘Mr. Kang’ who is described as “a very wealthy man”
WL(ရိုးရာလေး)
