မြန်မာပရိသတ်တွေ အားပေးနှစ်ခြိုက်ကြတဲ့ တောင်ကိုရီးယားမင်းသားချော ပတ်ဆိုးဂျွန်က လက်ရှိမှာ အဆိုတော်၊ YouTuber xooos (ကင်ဆိုးယွန်း) နဲ့ ချစ်သူတွေဖြစ်နေတယ်လို့ ဇွန်လ ၂၀ ရက်နေ့မှာ သတင်းထွက်ရှိလာခဲ့ပါတယ်။ သူတို့နှစ်ဦး ချစ်သူတွေဆိုတာကို သူတို့ရဲ့ရင်းနှီးတဲ့မိတ်ဆွေသူငယ်ချင်းတွေကို အချင်းချင်းမိတ်ဆက်ပေးထားပြီး အခြားအတွဲတွေလိုပဲ မကြာခဏ ဒိတ်ဖြစ်ကြတယ်လို့ သတင်းတွေမှာ ဖော်ပြထားပါတယ်။
အခု ဒီသတင်းနဲ့ပတ်သက်ပြီး ပတ်ဆိုးဂျွန်ရဲ့အေဂျင်စီ Awesome ENT က အခုလိုပြောကြားခဲ့ပါတယ်။ “ကျွန်တော်တို့အနုပညာရှင်ရဲ့ကိုယ်ရေးကိုယ်တာနဲ့ပတ်သက်တဲ့အချက်အလက်တွေကို အတည်ပြုပေးဖို့ ခက်ခဲပါတယ်။ ကျွန်တော်တို့ တောင်းပန်ပါတယ်။ ကျေးဇူးပြုပြီး နားလည်ပေးကြပါ”လို့ ဆိုပါတယ်။ အဆိုတော်၊ YouTuber xooos ရဲ့အေဂျင်စီ WAVY ကလည်း အတည်ပြုပေးဖို့ ခက်ခဲတယ်လို့ပဲ အလားတူပြောကြားခဲ့ပါတယ်။
လက်ရှိမှာ ပတ်ဆိုးဂျွန်က သူ ပါဝင်ထားတဲ့ ရုပ်ရှင်ကားသစ်တွေဖြစ်တဲ့ “Concrete Utopia” နဲ့ “The Marvels” ရုံတင်ပြဖို့ စောင့်ဆိုင်းနေပါတယ်။ xooos က ၁၉၉၄ ခုဖွားဖြစ်ပြီး Subscribers ၁.၅ သန်းရှိတဲ့ အဆိုတော်၊ YouTuber တစ်ယောက်ပါ။ သူက ၂၀၁၅ ခုနှစ်ရဲ့ The Producers ဇာတ်လမ်းတွဲမှာ သရုပ်ဆောင်အဖြစ် ပွဲဦးထွက်ခဲ့ပြီး ၂၀၁၇ ခုနှစ်က “MIXNINE” idol survival show မှာလည်း ပါဝင်ခဲ့ပါတယ်။
Ref: Park Seo Joon’s Agency Briefly Responds To Dating Rumors Between Him And YouTuber xooos
WL (ရိုးရာလေး)
