လေယာဉ်မှူး သတိလစ်သွားလို့ လေယာဉ် အရေးပေါ်ဆင်းသက်ခဲ့ပေမဲ့ လေယာဉ်မှူးကို မကယ်တင်နိုင်ခဲ့

အမေရိကန်နိုင်ငံ မိုင်ယာမီကနေ ချီလီနိုင်ငံကို ပျံသန်းနေတဲ့ လေယာဉ်ပေါ်မှာ လေယာဉ်မှူးတစ်ဦး သတိလစ် လဲကျသွားခဲ့လို့ လေယာဉ်ကို အရေးပေါ် ဆင်းသက်ခဲ့ရပါတယ်။ ယခုလအစောပိုင်းက ဖြစ်ပွားခဲ့တဲ့ ဒီဖြစ်ရပ်မှာ ချီလီလေယာဉ်မှူး အသက်ဆုံးရှုံးခဲ့ရပါတယ်။

ခရီးသည် ၂၇၁ ဦး လိုက်ပါလာတဲ့ လေကြောင်းအမှတ် LA 505 လေယာဉ်ဟာ မိုင်ယာမီမြို့ကနေ ည ၁၁ နာရီမှာ ထွက်လာခဲ့တာဖြစ်ပြီး ပျံသန်းချိန် ၃ နာရီအကြာမှာတော့ ချီလီလေယာဉ်မှူး အန်ဒူရာ သတိလစ်သွားခဲ့တာပါ။ နောက်ပိုင်း ဆေးစစ်ချက်တွေအရတော့ နှလုံးဖောက်တဲ့လက္ခဏာနဲ့တူတယ်လို့ ဆိုပါတယ်။

ဒါကြောင့် တွဲဖက်လေယာဉ်မှူးနှစ်ဦးက လေယာဉ်ကို မောင်းနှင်ခဲ့ရပြီး ပနားမားမြို့ကို အရေးပေါ် ဆင်းသက်ခဲ့တာပါ။ တိုကူမန်နိုင်ငံတကာလေဆိပ်ကို ဘေးကင်းစွာ ဆင်းသက်နိုင်ခဲ့ပေမဲ့ လေယာဥၤမှူး အန်ဒူရာကို အသက်ကယ်တင်နိုင်ခဲ့ခြင်း မရှိပါဘူး။

Ref: Plane forced to make emergency landing after pilot collapses and dies during flight

NZ ( ရိုးရာလေး)