ရုရှားဝန်ကြီးချုပ် မီခေးလ်မီရှုစတင်ဟာ ကိုရိုနာဗိုင်းရပ်စ် ကူးစက်ခံခဲ့ရလို့ ဆေးရုံတက်ပြီး ကုသမှုခံယူနေရပါတယ်။ ရုရှားနိုင်ငံမှာ တစ်ရက်အတွင်း စံချိန်တင်ကူးစက်မှုအဖြစ် ကူးစက်ခံရသူ ၇၀၉၉ ယောက်ရှိတဲ့နေ့မှာပဲ ရုရှားဝန်ကြီးချုပ်မှာ ရောဂါပိုးရှိနေမှန်း စစ်ဆေးတွေ့ရှိရတာပါ။ မီခေးလ်မီရှုစတင်ဟာ ပြီးခဲ့တဲ့ဇန်နဝါရီလက ဝန်ကြီးချုပ်အဖြစ် ခန့်အပ်ခံခဲ့ရသူဖြစ်ပြီး COVID-19 ရောဂါ ကူးစက်ပျံ့နှံ့မှု ကာကွယ်တားဆီးရေးမှာ ပါဝင်လှုပ်ရှားနေသူပါ။ မီခေးလ်မီရှုစတင်က သူ့မှာ COVID-19 ရောဂါပိုးရှိနေတယ်ဆိုတာကို ဗီဒီယိုခေါ်ဆိုမှုကတစ်ဆင့် ရုရှားသမ္မတပူတင်ကို အကြောင်းကြားခဲ့ပါတယ်။
သူ ဆေးရုံတက်နေတဲ့ကာလမှာ ဒုတိယဝန်ကြီးချုပ်(၁) ဘီလူဆော့ဗ်ကို သူ့နေရာ အစားထိုးတာဝန်ထမ်းဆောင်ခိုင်းသင့်တယ်လို့ မီရှုစတင်က အကြံပေးခဲ့ပြီး ပူတင်ကလည်း ဒီအကြံကို လက်ခံခဲ့ပါတယ်။ ရုရှားနိုင်ငံမှာ COVID-19 ကူးစက်ခံရသူ ၁၀၀၀၀၀ ကျော် ရှိနေပြီး သေဆုံးသူ ၁၀၀၀ ကျော် ရှိနေပါတယ်။
Nz (ရိုးရာလေး)
