မကြာသေးခင်ကမှ ကမ္ဘာကျော်အဆိုတော်အဒဲလ်ဟာ မင်္ဂလာပွဲအပြီး သူ့ရဲ့ဖျော်ဖြေပွဲကို အပြေးရောက်လာခဲ့တဲ့ စုံတွဲတစ်တွဲရဲ့အိပ်မက်တွေကို ဖြည့်ဆည်းပေးဖြစ်ခဲ့ပါတယ်။ အီဗန်နဲ့ ဂါဘီ ကိုရစ်တို့စုံတွဲက သူတို့ရဲ့မင်္ဂလာပွဲအပြီးမှာ လပ်ဗီးဂပ်စ်မြို့ က Caesars Palace မှာ ပြုလုပ်နေတဲ့ အဒဲလ်ရဲ့ဖျော်ဖြေပွဲကို ရောက်ချလာခဲ့တာပါ။ အဒဲလ်က When We Were Young သီချင်းကို ဆိုနေရင်း မင်္ဂလာဝတ်စုံနဲ့ အားပေးနေတဲ့ သူတို့စုံတွဲကို မြင်သွားခဲ့တာပါ။
![](https://yoyarlay.com/wp-content/uploads/2023/03/8.3.2023-yyl-iamge-12.jpg)
ဒီသီချင်းက အီဗန်နဲ့ ဂါဘီတို့အတွက် အဒဲလ် သီဆိုပေးတဲ့ မင်္ဂလာသီချင်းဖြစ်သွားတယ်လို့တောင် ဆိုရမှာပါ။ အဒဲလ်က သူတို့စုံတွဲဆီ လာပြီး “မင်းတို့ အခုမှ မင်္ဂလာဆောင်ခဲ့တာလား။ ဒီနေ့ မင်းတို့ မင်္ဂလာဆောင်တာလား။ ဂုဏ်ယူပါတယ်နော်”တဲ့။
![](https://yoyarlay.com/wp-content/uploads/2023/03/8.3.2023-yyl-iamge-13.jpg)
အဒဲလ်ကို လက်မှတ်ထိုးပေးဖို့ တောင်းဆိုတော့ သီချင်းဆိုနေတာကို မရပ်ဘဲ သတို့သမီးဂါဘီရဲ့မင်္ဂလာဂါဝန်ပေါ်မှာ လက်မှတ်ထိုးပေးခဲ့ပါတယ်။ သူတို့စုံတွဲအတွက် သီချင်းဆိုပေးစေချင်တဲ့ အီဗန်ရဲ့အိပ်မက်ကိုလည်း ဖြည့်ဆည်းပေးရာရောက်ခဲ့ပါတယ်။ သတို့သမီးဂါဘီက ဒါနဲ့ပတ်သက်ပြီး လူမှုကွန်ယက်မှာ မျှဝေပေးခဲ့တာပါ။ အဒဲလ်နဲ့တွေ့ဆုံခဲ့ရတဲ့အခိုက်အတန့်ကို တစ်သက်တာအမှတ်တရအဖြစ် တင်စားပြောဆိုခဲ့တာပါ။
![](https://yoyarlay.com/wp-content/uploads/2023/03/8.3.2023-yyl-iamge-14.jpg)
ဂါဘီက ဓာတ်ပုံတွေနဲ့အတူ “ကျွန်မရဲ့ကမ္ဘာကို ဖန်တီးပြီး ကျွန်မ့ဘဝရဲ့အချစ်ကို တွေ့ခဲ့ရတယ်။ ဒီအမျိုးသားက ကျွန်မတို့ရဲ့မင်္ဂလာပွဲမှာ အဒဲလ်ကို သီချင်းဆိုစေချင်ခဲ့တာပါ။ (၇) နှစ်အကြာမှာ ကျွန်မတို့ရဲ့အိပ်မက်တွေ အမှန်တကယ်ဖြစ်လာခဲ့ပါတယ်။ ကျွန်မတို့အတွက် တစ်သက်တာအမှတ်တရကို ဖန်တီးပေးတဲ့အတွက် အဒဲလ်ကို ကျေးဇူးတင်ပါတယ်”တဲ့။
Ref: TheSun “ADELE turns wedding singer for a couple who went straight to her gig after marrying”
WL (ရိုးရာလေး)