မြန်မာပရိသတ်တွေကြား ရေပန်စားခဲ့တဲ့ My Fault ရိုမန့်ဇာတ်ကားမှာ နစ်ခ်အဖြစ် သရုပ်ဆောင်ထားတဲ့ မင်းသား ဂါဘရီရယ် ဂွေဗားရားဟာ ပြင်သစ်မှာဖြစ်ခဲ့တဲ့ လိင်ပိုင်းဆိုင်ရာစော်ကားမှုစွပ်စွဲချက်နဲ့ ဗင်းနစ်ရုပ်ရှင်ပွဲတော်မှာ ဖမ်းဆီးခံခဲ့ရပါတယ်။ အသက် ၂၂ နှစ်အရွယ် ဂါဘရီရယ်က ဆုတစ်ခု လက်မခံခင် ရက်မှာပဲ ရုပ်ရှင်ပွဲတော်အတွင်း အီတလီအာဏာပိုင်တွေက ဖမ်းဆီးခဲ့ကြတာပါ။
ဒီသတင်းကို စက်တင်ဘာ ၄ ရက်နေ့မှာ ထုတ်ဖော်ခဲ့တဲ့ Variety သတင်းဌာနက လိင်ပိုင်းဆိုင်စော်ကားမှုနဲ့ ပတ်သက်တဲ့၊ ဖမ်းဆီးခံရတဲ့အသေးစိတ်အချက်အလက်တွေကို ထုတ်ပြောထားခြင်းမရှိပါဘူး။ သူ့ကို ဖမ်းဝရမ်းထုတ်ခဲ့တာပါ။ လက်ရှိမှာတော့ သူ့ကို အီတလီပြည်နယ်ရဲတပ်ဖွဲ့က ထိန်းသိမ်းထားပြီး လွှဲပြောင်းရေးလုပ်ငန်းစဉ်တွေ မစတင်ခင် ဒီအမှုကို အယူခံတရားရုံးက ဆုံးဖြတ်သွားမှာပါ။
ဂါဘရီရယ်က Filming Italy က ပေးအပ်တဲ့ အကောင်းဆုံးလူငယ်သရုပ်ဆောင်ဂုဏ်ပြုဆုကို လက်ခံရယူဖို့ လုပ်ထားခဲ့တာပါ။ ဖမ်းဆီးခံရခြင်းရဲ့အကျိုးဆက်တွေကို ကြိုတင်ကာကွယ်တဲ့အနေနဲ့ ဒီဆုချီးမြှင့်တာကို Filming Italy က ဖျက်သိမ်းလိုက်ပါပြီ။
မင်းသား ဂါဘရီရယ် ဂွေဗားရားဟာ My Fault (Culpa Mia) မှာ ပါဝင်ခဲ့ပြီးတော့ မြန်မာမိန်းကလေးပရိသတ်တွေရဲ့နှလုံးသားကို ကိုင်လှုပ်နိုင်ခဲ့တာပါ။
Ref: Spanish actor Gabriel Guevara arrested at Venice Film Festival over alleged sexual assault in France
WL (ရိုးရာလေး)
