မန်စီးတီးတိုက်စစ်မှူး စတာလင်က သူ့ရဲ့မွေးရပ်မြေဖြစ်တဲ့ ဂျမေကာနိုင်ငံက သက်ကြီးရွယ်အိုတွေအတွက် ရိက္ခာထုပ်တွေ ပို့ပေးခဲ့ပါတယ်။ စတာလင်ကို ဂျမေကာနိုင်ငံ မာဗာလေမြို့မှာ မွေးဖွားခဲ့ပြီး ၅ နှစ်သားအရွယ်အထိ ဒီမြို့မှာ နေထိုင်ခဲ့တာပါ။ စတာလင်က သူ့ရဲ့မွေးရပ်မြေအတွက် ပုံမှန်အားဖြင့် လှူဒါန်းမှုတွေ ပြုလုပ်လေ့ရှိပါတယ်။ အခုလို COVID-19 ကပ်ရောဂါ ရင်ဆိုင်နေရချိန်မှာလည်း သက်ကြီးရွယ်အိုတွေ အဆင်ပြေစေဖို့ စတာလင်က ရိက္ခာထုပ်တွေ ပို့ပေးခဲ့တာပါ။
ပြီးခဲ့တဲ့တနင်္လာနေ့မှာ အသက် ၈၀ အရွယ်ရှိတဲ့ ဖလောရင့်ကမ်းဘဲလ်က စတာလင် ပို့ပေးလိုက်တဲ့ ရိက္ခာထုပ်နဲ့အတူ ဓာတ်ပုံရိုက်ခံခဲ့ပြီး အဲဒီဓာတ်ပုံကို Jamaica Observer သတင်းဌာနက ဖော်ပြခဲ့ပါတယ်။ စတာလင်က သူ့ရဲ့မွေးရပ်မြေက လူတွေ ဘေးအန္တရာယ် ကင်းရှင်းအောင် နေထိုင်ကြဖို့လည်း မှာကြားခဲ့ပါတယ်။
Nz (ရိုးရာလေး)
