ထိုင်းနိုင်ငံမှာ ၄ နှစ်အရွယ် ကလေးငယ်က ဇာတ်ကားထဲမှ တိုက်ခိုက်တဲ့ပုံစံအတိုင်း အစ်မဖြစ်သူရဲ့ ခေါင်းကို ကက်ကြေးနဲ့ ထိုးခဲ့လို့ ဆေးရုံတင်ခဲ့ရပါတယ်။ မတ်လ ၂၃ ရက်က ထိုင်းနိုင်ငံ အရှေ့မြောက်ပိုင်း ဘူရီရမ်ပြည်နယ်မှာ နွိုင်လို့ အမည်ရတဲ့ ၄ နှစ်သား ကလေးငယ်နဲ့ ဖာဆီလို့ အမည်ရတဲ့ ၁၀ နှစ်အရွယ် မိန်းကလေးငယ်တို့ အိမ်အပြင်ဘက်မှာ ကစားနေတုန်း အခုလို ဖြစ်ခဲ့တာပါ။
မျက်မြင်သက်သေတစ်ယောက်ရဲ့ ပြောကြားချက်အရ ဖာစီက နွိုင်ကို သူ့ နားမလာဖို့ ခဏခဏ ပြောနေတာကြောင့် နွိုင်က စိတ်တိုလာပြီး ကက်ကြေးနဲ့ ထိုးခဲ့တာလို့ ဆိုပါတယ်။ မိန်းကလေးငယ်ရဲ့ အော်သံကြားရလို့ အဘိုးဖြစ်သူ ထွက်ကြည့်ချိန်မှာ ဦးခေါင်းကို ကက်ကြေး စိုက်နေတာ မြင်ရလို့ ဆွဲနုတ်ပေးဖို့ ကြိုးစားခဲ့ပေမဲ့ မအောင်မြင်ခဲ့တာကြောင့် Satuek ဆေးရုံထံ ပို့ဆောင်ခဲ့ပါတယ်။ ဒါပေမဲ့ ခွဲစိတ်မှုလုပ်ဖို့ ပစ္စည်းကိရိယာ မစုံလင်တာကြောင့် ဘူရီရမ်ဆေးရုံကို ရွှေ့ပြောင်းခဲ့ရပါတယ်။
ကက်ကြေးက ဦးခေါင်းထဲကို ၂.၅ စင်တီမီတာအထိ စိုက်ဝင်သွားခဲ့တာပါ။ အာရုံကြောနားကို ထိုးမိခဲ့ပေမဲ့ ဦးနှောက်ရဲ့ အရေးပါတဲ့ အစိတ်အပိုင်းတွေကို မထိခဲ့ပါဘူး။ ဆရာဝန်တွေက ကက်ကြေးကို အောင်မြင်စွာ ခွဲစိတ်ဖယ်ရှားနိုင်ခဲ့ပြီး မိန်းကလေးငယ် ဖာဆီလည်း ဆေးရုံကလည်း ပြန်ဆင်းနိုင်ခဲ့ပါပြီ။
Ref: Thai boy, 4, throws and pierces sister’s head with scissors while imitating movie fight scene
NZ ( ရိုးရာလေး)
