ထိုင်းနိုင်ငံမှာ ရေဖုံးလွှမ်းနေတဲ့ ဂူထဲကနေ လူငယ် ၁၂ ယောက်နဲ့ ဘောလုံးနည်းပြတို့ကို ကယ်တင်ပေးနိုင်ခဲ့တဲ့ ဗြိတိန်နိုင်ငံသား ရေငုပ်သမား ၂ ယောက်ကို ဗြိတိန်နိုင်ငံ ဘရစ္စတိုးတက္ကသိုလ်က ဂုဏ်ထူးဆောင်ဘွဲ့ ချီးမြှင့်ခဲ့ပါတယ်။
၂၀၁၈ ခုနှစ် ဇူလိုင်လက တောဝက်ဘောလုံးအသင်းရဲ့ လူငယ်ကစားသမား ၁၂ ယောက်နဲ့ ဘောလုံးနည်းပြတို့ဟာ ရေဖုံးလွှမ်းနေတဲ့ဂူထဲမှာ ပိတ်မိခဲ့ကြတာပါ။ ပိန်းပိတ်အောင် မှောင်နေတဲ့ ဂူထဲမှာ ရေစီးသန်တဲ့ အခြေအနေကို အံ့တုပြီး ဗြိတိန်နိုင်ငံသား ၂ ယောက်က ကျဉ်းမြောင်းထဲ ဂူလမ်းကြောင်းထဲဝင်ရောက်ကာ ကလေး ၁၂ ယောက်နဲ့ ဘောလုံးနည်းပြကို ကယ်တင်ပေးနိုင်ခဲ့တာပါ။
တစ်ကမ္ဘာလုံး စိတ်ဝင်တစား စောင့်ကြည့်ခဲ့တဲ့ ဒီဖြစ်ရပ်မှာ လူငယ်တွေနဲ့ ဘောလုံးနည်းပြတို့ကို ကယ်တင်ပေးဖို့ ဗြိတိန်နိုင်ငံသား ဗိုလန်သန်နဲ့ စတန်တွန်တို့ကို ထိုင်းအစိုးရက အကူအညီတောင်းခဲ့တာ ဖြစ်ပါတယ်။
” ဒီကိစ္စက ဘာနဲ့မှ နှိုင်းယှဉ်မရတဲ့ မကြုံစဖူးဖြစ်ရပ်ပါ။ လူတွေကတော့ အကြီးကျယ်ဆုံး ကယ်တင်မှုတစ်ခုလို့ ဆိုကြတယ်။ ရှည်ကြာလွန်းတဲ့ ၂ ပတ်ခွဲကြာကာလအတွင်း ကျွန်တော်တော့ ဖြန့်ထွက်စဉ်းစားပြီး လုပ်ဆောင်ခဲ့တာပါ။ အခုလို ဂုဏ်ထူးဆောင်ဘွဲ့ရလို့ အလွန်ဂုဏ်ယူပါတယ်”လို့ စတန်တွန်က ဆိုပါတယ်။
Ref: Thai cave rescue divers get honorary degrees in Bristol
Team (ရိုးရာလေး)
