မေလ ၃၁ ရက်နေ့မှာ ကိုရီးယားအဆိုအဖွဲ့ BTS က AANHPI (Asian American and Native Hawaiian/Pacific Islander) Heritage Month ဂုဏ်ပြုတဲ့အနေနဲ့ အမေရိကန်သမ္မတ ဂျိုးဘိုင်ဒင်နဲ့ တွေ့ဆုံဖြစ်ခဲ့ပါတယ်။ သမ္မတနဲ့သီးသန့်တွေ့ဆုံမှုမတိုင်ခင် BTS က အိမ်ဖြူတော်သတင်းစာရှင်းလင်းပွဲတက်ရောက်ခဲ့ပြီး အာရှသားမုန်းတီးရေးနဲ့ လူမျိုးရေးခွဲခြားဆက်ဆံမှုတွေ အဆုံးသတ်ဖို့ ကူညီပေးချင်တဲ့အကြောင်း ပြောဆိုခဲ့ပါတယ်။
![](https://yoyarlay.com/wp-content/uploads/2022/06/1-6-2022-yyl02.jpg)
အဲဒီနေ့ညနေပိုင်းမှာ သမ္မတဘိုင်ဒင်က သူ့ရဲ့တရားဝင် POTUS တွစ်တာအကောင့်မှာ BTSနဲ့ အဓိပ္ပာယ်ရှိတဲ့တွေ့ဆုံမှုအကြောင်း ဗီဒီယိုအတိုလေး တင်ခဲ့ပါတယ်။ “BTS နဲ့ တွေ့ရတာ အရမ်းကောင်းပါတယ်။ အာရှသားမုန်းတီးရေးအခြေခံရာဇဝတ်မှုတွေနဲ့ လူမျိုးရေးခွဲခြားဆက်ဆံမှုတွေများလာတာနဲ့ပတ်သက်ပီး အသိပညာပေးဖို့ မင်းတို့ လုပ်ဆောင်နေတာတွေအားလုံးအတွက် ကျေးဇူးတင်ပါတယ်။ မကြာခင် ကျွန်တော်တို့ရဲ့ စကားဝိုင်းကို နောက်ထပ်မျှဝေဖို့ မျှော်လင့်နေပါတယ်”လို့လည်း ရေးသားခဲ့ပါတယ်။
![](https://yoyarlay.com/wp-content/uploads/2022/06/1-6-2022-yyl03-1024x1024.jpg)
အသစ်တင်ထားတဲ့ ဗီဒီယိုမှာ သမ္မတဘိုင်ဒင်က BTS အဖွဲ့ဝင်တွေကို “မင်းတို့ပြောတာကို လူတွေက အရမ်းဂရုစိုက်ကြပြီး မင်းလုပ်နေတဲ့အရာက လူအားလုံးအတွက် ကောင်းပါတယ်။ ဒါဟာ မင်းရဲ့ ကြီးကျယ်ခမ်းနားတဲ့ အရည်အချင်းတွေတင် မဟုတ်ဘဲ မင်းတို့ပြောပြပေးနေတဲ့ သတင်းစကားတစ်ခုပါပဲ”လို့ ပြောခဲ့ပါတယ်။
BTS ကလည်း တွစ်တာအကောင့်မှာ သမ္မတဘိုင်နဲ့အတူ ရိုက်ခဲ့တဲ့ ဓာတ်ပုံတစ်ပုံနဲ့အတူ “ ကျွန်တော်တို့ကို အိမ်ဖြူတော်ဖိတ်ကြားတဲ့အတွက် ကျေးဇူးတင်ပါတယ်။ ဒီနေ့ POTUS နဲ့ အရေးကြီးတဲ့ကိစ္စရပ်တွေကို ဆွေးနွေးရတဲ့အတွက် ကြီးမားတဲ့ဂုဏ်ယူမှုပါ။ အားလုံးဖြစ်လာအောင် လုပ်ပေးခဲ့တဲ့ [BTS ARMY] ကို အရမ်းကျေးဇူးတင်ပါတယ်”လို့ ရေးသားပြောဆိုခဲ့ပါတယ်။
သမ္မတဘိုင်ဒင်နဲ့ BTS တို့ရဲ့ ဗီဒီယိုကြည့်ရှုရန် – https://bit.ly/3taeeCN
Ref: Soompi “U.S. President Joe Biden has shared a first glimpse of his private meeting at the White House with BTS!”
WL ( ရိုးရာလေး )