ဆွီဒင်ဓာတ်ပုံဆရာ အဲလက်စ်ဒေါ်ဆန်ဟာ ဝေလငါး အရိုးစုကို ကြည့်ရှုစစ်ဆေးနေတဲ့ ရေငုပ်သမားဓာတ်ပုံကြောင့် ၂၀၂၄ ခုနှစ်အတွက် တစ်နှစ်တာအကောင်းဆုံး ရေအောက်ဓာတ်ပုံဆရာဆု ဆွတ်ခူးခဲ့ပါတယ်။ ဝေလငါးအရိုးစုဓာတ်ပုံဟာ ကမ္ဘာတစ်ဝန်းက ပြိုင်ပွဲဝင်ဓာတ်ပုံပေါင်း ၆၅၀၀ ကျော်ကို ဖြတ်ကျော်ပြီး ဆုရခဲ့တာပါ။
![](https://yoyarlay.com/wp-content/uploads/2024/02/20.2.24-yyl-5.jpg)
![](https://yoyarlay.com/wp-content/uploads/2024/02/20.2.24-yyl-6.jpg)
” ဂရင်းလန်းကျွန်း ရေခဲပြင်အောက်မှာ အလွတ်ရေငုပ်သူက ဝေလငါးအရိုးစုကို သွားကြည့်နေတဲ့ပုံ ရိုက်ထားတာဖြစ်လို့ ဒီဓာတ်ပုံကို တကယ့်ခဲရာခဲဆစ် ရိုက်ကူးထားတာပါ။ ရေငုပ်သမားရဲ့ဝတ်စုံနဲ့ ဓာတ်မီးကြောင့် တခြားကမ္ဘာမှ အလည်ပတ်လာတဲ့ဂြိုဟ်သားတစ်ယောက်လိုမျိုး ခံစားရစေပါတယ်” လို့ အမှတ်ပေးဒိုင် အကြီးအကဲ မူစတက်က ဆိုပါတယ်။
![](https://yoyarlay.com/wp-content/uploads/2024/02/20.2.24-yyl-7.jpg)
![](https://yoyarlay.com/wp-content/uploads/2024/02/20.2.24-yyl-8.jpg)
![](https://yoyarlay.com/wp-content/uploads/2024/02/20.2.24-yyl-9.jpg)
ဒီပြိုင်ပွဲမှာ ခေါင်းစဉ် ၁၃ ခု ခွဲခြားထားပြီး ဗြိတိန်ရေပိုင်နက်အတွင်း ရိုက်ကူးတဲ့ ဓာတ်ပုံတွေအတွက် ဆု ၄ ဆု ပါဝင်ပါတယ်။ သံပခြုပ်တစ်ကောင်ကို ကြယ်ငါးတွေ ဝိုင်းနေတဲ့ ဓာတ်ပုံကြောင့် ဗြိတိန်ဓာတ်ပုံဆရာ ဂျင်နီစတော့က ၂၀၂၄ ခုနှစ်အတွက် အကောင်းဆုံး ဗြိတိန် ရေအောက်ဓာတ်ပုံဆရာဆု ဆွတ်ခူးခဲ့ပါတယ်။
![](https://yoyarlay.com/wp-content/uploads/2024/02/20.2.24-yyl-10.jpg)
![](https://yoyarlay.com/wp-content/uploads/2024/02/20.2.24-yyl-11.jpg)
Ref: Underwater Photographer of the Year 2024 winners
NZ ( ရိုးရာလေး)