အီရန်လေပိုင်နက်ထဲက လေကြောင်းခရီးစဉ်အားလုံးကို လမ်းကြောင်းပြောင်းလဲလိုက်ပြီလို့ စင်ကာပူ လေကြောင်းလိုင်း ကြေညာ

အီရန်လေပိုင်နက်ထဲက လေကြောင်းခရီးစဉ်အားလုံးကို လမ်းကြောင်းပြောင်းလဲလိုက်ပြီလို့ စင်ကာပူလေကြောင်းလိုင်းက ထုတ်ပြန်ခဲ့ပါတယ်။ အီရန်စစ်ဗိုလ်ချုပ် ဆိုလေမာနီ လုပ်ကြံခံရမှုကို လက်တုံ့ပြန်တဲ့အနေနဲ့ ဇန်နဝါရီလ ၈ ရက်အစောပိုင်းက အီရတ်နိုင်ငံမှာရှိတဲ့ အမေရိကန်တပ်ဖွဲ့ လေတပ်အခြေစိုက်စခန်းတွေကို ဒုံးကျည်နဲ့ ပစ်ခတ်တိုက်ခိုက်ခဲ့တယ်လို့ အီရန်နိုင်ငံက ပြောခဲ့ပြီးနောက်မှာ စင်ကာပူလေကြောင်းလိုင်းက အခုလို ဆုံးဖြတ်ခဲ့တာပါ။

“အီရန်လေပိုင်နက်ထဲ ဖြတ်သန်းနေတဲ့ စင်ကာပူလေကြောင်းလိုင်းရဲ့ လေကြောင်းခရီးစဉ်အားလုံးကို လမ်းကြောင်းပြောင်းပြေးဆွဲသွားမှာပါ’’ လို့ စင်ကာပူလေကြောင်းလိုင်းက ဆိုပါတယ်။ အမေရိကန်ပြည်ထောင်စု လေကြောင်းပျံသန်းရေးအာဏာပိုင်အဖွဲ့(FAA)ကလည်း အမေရိကန်လေယာဉ်တွေကို အီရတ်၊ အီရန်၊ အိုမန်ပင်လယ်ကွေ့၊ အီရန်-ဆော်ဒီနိုင်ငံကြား ရေလမ်းကြောင်းအပေါ်ဘက် လေပိုင်နက်ထဲ ဝင်ရောက်ခွင့်ပိတ်ပင်သွားမယ်လို့ ကြေညာထားပါတယ်။ အီရတ်နိုင်ငံမှာ အမေရိကန်စစ်တပ်နဲ့ ညွန့်ပေါင်းတပ်ဖွဲ့စစ်သည်တွေ စခန်းချနေတဲ့ အန်းအယ်အဆတ်နဲ့ အာဘီဒေသ စစ်ဘက်ဆိုင်ရာ အခြေစိုက်စခန်း အနည်းဆုံးနှစ်ခုကို အီရန်နိုင်ငံက ပဲ့ထိန်းဒုံးကျည် တစ်ဒါဇင်ကျော်နဲ့ တိုက်ခိုက်ခဲ့တာဖြစ်ပြီး သေဆုံးသူ ရှိ၊ မရှိ တိတိကျကျ မသိရသေးပါဘူး။

Nz (ရိုးရာလေး)

Share this post

ရိုးရာလေးတွင် ဖော်ပြပါရှိသော ဆောင်းပါးများကို မည်သည့် Website နှင့် Social Media များပေါ်တွင်မှ ပြန်လည်ကူးယူဖော်ပြခွင့်မပြုကြောင်း အသိပေးအပ်ပါသည်။ အသေးစိတ်အချက်အလက်များကို ဤနေရာတွင်ဖတ်ရှုနိုင်ပါသည်။

Leave a Reply

scroll to top