လမ်းဖြတ်ကူးနေတဲ့ ဘဲအုပ်ကို ကူညီပေးခဲ့တဲ့ အမျိုးသားတစ်ယောက်ဟာ ကားတိုက်ခံရလို့ သေဆုံးခဲ့ပါတယ်။ ကယ်လီဖိုးနီးယားပြည်နယ်မှာ နေထိုင်တဲ့ အသက် ၄၁ နှစ်အရွယ် အမျိုးသား ရီဗာရာဟာ ပြီးခဲ့တဲ့ကြာသပတေးနေ့ည ဒေသစံတော်ချိန် ၈ နာရီ ၁၅ မိနစ်အချိန်က ဆခရာမန်တိုမြို့ အရှေ့မြောက်ဘက် ၂၅ မိုင်အကွာမှာ ကားတိုက်ခံခဲ့ရတာပါ။
![](https://yoyarlay.com/wp-content/uploads/2023/05/23.5.2023-yyl-4.jpg)
ဆယ်ကျော်သက်တစ်ဦး မောင်းနှင်လာတဲ့ကားက ရီဗာရာကို ဝင်တိုက်ခဲ့တာလို့ ဆိုပါတယ်။ ဒီဖြစ်ရပ်အတွက် ဖမ်းဆီးမှု မလုပ်ရသေးသလို ရီဗာရာကို ကားနဲ့ ဝင်တိုက်မိခဲ့တဲ့ ဆယ်ကျော်သက်ကလည်း ရာဇဝတ်မှုနဲ့ စွဲချက်တင်ခံရဖွယ်မရှိဘူးလို့ ရော့ခ်လင်းရဲတပ်ဖွဲ့ရဲ့ ရဲမှူးက ဆိုပါတယ်။
![](https://yoyarlay.com/wp-content/uploads/2023/05/23.5.2023-yyl-5.jpg)
ရီဗာရာအတွက် စိတ်မကောင်းဖြစ်သူတွေကတော့ အခင်းဖြစ်ပွားရာနေရာမှာ အမှတ်တရ ပန်းစည်းတွေ၊ ရော်ဘာဘဲရုပ်လေးတွေ လာချခဲ့ကြပါတယ်။
Ref: US man killed by car as he helped ducks cross road in Rocklin
NZ ( ရိုးရာလေး)