အစာအိမ်ရောဂါနဲ့ ဗိုက်အောင့်၊ ဗိုက်နာခြင်းတို့ဟာ သန့်ရှင်းလတ်ဆတ်မှု မရှိတဲ့ အစားအစာတွေ စားမိရာကစလို့ နာတာရှည် ခံစားနေရတဲ့ ရောဂါတွေအထိ အကြောင်းအမျိုးမျိုးကြောင့် ဖြစ်ပွားတတ်ပါတယ်။ ထိုမှတစ်ဆင့် ညောင်းညာကိုက်ကဲခြင်း၊ ခေါင်းကိုက်မူးဝေခြင်း၊ ဝမ်းပျက်ဝမ်းလျှောခြင်း၊ ပျို့အန်ခြင်းနှင့် အခြားသော အစာအိမ်နဲ့ ပါတ်သတ်တဲ့ ရောဂါ လက္ခဏာတွေဟာ ရက်အတော်ကြာအောင် ဖြစ်ပွားတတ်ပါတယ်။
ဒါ့ကြောင့်မို့ သင့်ရဲ့ ဝေဒနာတွေကို အမြန်ဆုံး ပျောက်ကင်းစေမယ့် လွယ်ကူ ရိုးရှင်းတဲ့ နည်းလမ်းလေးတွေကို ပြောပြပေးချင်ပါတယ်။
၁။ ဂျင်း (သို့) ဂျင်းအနွယ်ဝင်ဖြစ်တဲ့ နနွင်းတက်ဟာဆိုရင် အမြစ်နွယ်ဝင် အမျိုးအစားဖြစ်ပြီး မြေအောက်မှာပင် မျက်စိနဲ့ မမြင်နိုင်တဲ့ ပိုးမွှားတွေရဲ့ဒါဏ်ကို ကြံ့ကြံ့ခံပြီး ကောင်းစွာဖွံ့ဖြိုးလာကြတဲ့အတွက် အစာအိမ် ယောင်းယမ်းခြင်းကို သက်သာစေနိုင်ပါတယ်။ ဗိုက်အောင့်၊ ဗိုက်နာ ဝေဒနာ ခံစားနေရတဲ့အခါမျိုးမှာ ဂျင်း (သို့) နနွင်းတက် စိမ်ထားတဲ့ရေကို အနည်းငယ်လောက် သောက်ပေးပါ။ သင့်အနေနဲ့ အန်ထွက်လောက်အောင် သောက်ချင်မှာတော့ မဟုတ်ပါဘူး။ ဒါပေမယ့် ရေအနည်းငယ် (သို့) အခြား ဖျော်ရည် အနည်းငယ်တို့ကို တစ်လှည့်စီ နည်းနည်းချင်း သောက်သုံးပေးတာကလည်း အရသာရှိစေပါတယ်။
၂။ ပျို့အန်ခြင်း (သို့) ဝမ်းပျက် ဝမ်းလျောဖြစ်ပြီးတဲ့အခါ လူတစ်ယောက်မှာ လိုအပ်တဲ့ ဆားဓာတ်၊ သကြားဓာတ်နဲ့ ပိုတက်ဆီယမ်ဓာတ်တွေဟာ ဆုံးရှုံးသွားရပါတယ်။ ဒီအလိုအချိန်မျိုးမှာ ဆားဓာတ်ပါဝင်မှုများပြားလှတဲ့ ခရမ်းချဉ်သီးဖျော်ရည်ကို ကုန်ဆုံးသွားတဲ့ အားအင်တွေ ပြန်လည်ဖြည့်တင်းဖို့အတွက် သောက်သုံးနိုင်ပါတယ်။
၃။ ပျို့အန်ခြင်း (သို့) ဝမ်းသွားပြီးတဲ့နောက်မှာတော့ ဝမ်းဗိုက်ဟာ အနည်းငယ် သက်သာလာပြီး ဗိုက်ဆာလာတတ်ပါတယ်။ ဒီလိုအချိန်မျိုးမှာ အထူးသတိထားရမှာကတော့ များပြားလှတဲ့ အစာပမာဏကို တစ်ခါတည်း မစားမိစေဖို့နဲ့ တစ်နေ့လုံး နည်းနည်းချင်းစီသာ အချိန်ယူ စားသုံးပေးဖို့ပဲ ဖြစ်ပါတယ်။
၄။ BART (Banana (ငှက်ပျောသီး)၊ white rice (ထမင်းဖြူ)၊ applesauce (ပန်းသီးချဉ်ရေ)၊ toast (ပေါင်မုန့်မီးကင်)) ဆိုပြီး အသိများကြတဲ့ အစားအသောက်တွေကို ကန့်သတ်စားသုံးခြင်းဟာ ကလေးငယ်တွေအတွက်တော့ အာဟာရချို့တဲ့မှုကို ဖြစ်စေပါတယ်။ သင့်အနေနဲ့ ဝမ်းဗိုက်နဲ့ပတ်သတ်ပြီး အခြေအနေမဟန်သူဆိုရင်တော့ သင့်ရဲ့တစ်နေ့တာ အစားအစာတွေထဲမှာ ရှောင်ကြဉ်ရမယ့် အစားအသောက်တွေ များစွာရှိနေပါတယ်။
အသင့်စား အစားအသောက်တွေဟာ အစာချေအင်္ဂါကို ထိခိုက်စေပြီး Lactose ဓာတ်ကို စုပ်ယူတဲ့နေရာမှာလည်း အနှောင့်အယှက်များစွာ ဖြစ်စေပါတယ်။ နေကောင်းပြီးခါစ အချိန်တွေမှာ အူလမ်းကြောင်း ပုံမှန်အတိုင်း ပြန်လည်အလုပ် လုပ်နိုင်ဖို့အတွက် နာလန်ထူအောင် လုပ်နေချိန်မျိုးမှာ lactose ဓာတ်တွေနဲ့ပတ်သတ်ပြီး သတ်ပုတ်နေရတာမျိုး သင်ကိုယ်တိုင် ကြုံဖူးမှာပါ။
အစာအိမ်နဲ့ အူလမ်းကြောင်း ပြန်လည်ပြုပြင်နေချိန်မှာ အဆီဓာတ် ပါဝင်မှု မြင့်မားတဲ့ အခွံမာသီး၊ ဆီနဲ့ ထောပတ်သီးတွေအပြင် အပူအစပ်၊ အချဉ်ဖောက်ထားတဲ့ အစားအသောက် (ဥပမာ – ဒိန်ချဉ်)၊ အရက်နဲ့ ကော်ဖီတွေကိုလည်း ရှောင်ကြဉ်သင့်ပါတယ်။
Ref: time.com
Po Mo Htoo Aung (ရိုးရာလေး)
