ညာဘက်ပခုံးဒဏ်ရာကြောင့် (၆) လကြာ အနားယူခဲ့ရတဲ့ ရုရှားတင်းနစ်မယ် ရှာရာပိုဗာဟာ မာယော့ကာအိုးပင်း မြက်ခင်းကွင်းပြိုင်ပွဲ ပထမအဆင့်မှာ ကက်ဇ်မိုဗာကို ၇(၁၀)-၆(၈)၊ ၆-၀ နဲ့ (၂) ပွဲပြတ် အနိုင်ရခဲ့ပါတယ်။ ဂရင်းစလင်း ဆုဖလား (၅) ကြိမ် ဆွတ်ခူးခဲ့ဖူးတဲ့ ရှာရာပိုဗာဟာ ပခုံးဒဏ်ရာ ခွဲစိတ်ကုသမှုခံယူခဲ့ရလို့ ပြီးခဲ့တဲ့ဇန်နဝါရီလကတည်းက အနားယူခဲ့ရသူပါ။ ရှာရာပိုဗာဟာ အဖွင့်ပွဲမှာ ခက်ခက်ခဲခဲ ကစားခဲ့ရပြီး ပွဲငယ်တော်တော်များများမှာ ရှုံးလုဆဲဆဲ အခြေအနေကနေ အနိုင်ရအောင် ကစားသွားခဲ့ပါတယ်။ မာယော့ကာအိုးပင်းပြိုင်ပွဲဟာ စိန့်ပီတာစဘတ်အိုးပင်းပြိုင်ပွဲနောက်ပိုင်း ရှာရာပိုဗာ ပထမဆုံးယှဉ်ပြိုင်တဲ့ ပြိုင်ပွဲဖြစ်ပါတယ်။
Nz (ရိုးရာလေး)
