လပ်ကီးလက်စီလို့ ခေါ်တဲ့ သူ့ခွေးလေးကို ပြန်လာပေးရင် ဆုကြေးငွေ ပေါင် ၃၀၀၀၀ ချီးမြှင့်မယ်လို့ လီဗာပူးတိုက်စစ်မှူးဟောင်း စတာရစ်ချ်က ကြေညာထားပါတယ်။ လော့စ်အိန်ဂျလိစ်မြို့က စတာရစ်ချ်ရဲ့တိုက်ခန်း အနောက်ဘက်မှန်တံခါးကို ရိုက်ခွဲပြီး
သူခိုးတွေက ဝင်ရောက်မွှေနှောက်ခဲ့ပါတယ်။ အဲဒီနောက်မှာတော့ စတာရစ်ချ်က သူ့ရဲ့အင်စတာဂရမ်ပေါ်မှာ ဗီဒီယို တော်တော်များများ တင်ခဲ့ပါတယ်။
” ကျွန်တော့်ခွေးလေးကို ပြန်ပေးရင် ပေါင် ၂၀၀၀၀ ချက်ချင်းပေးမှာပါ။ ပေါင် ၃၀၀၀၀ ပေးရမယ်ဆိုလည်း ဖြစ်ပါတယ်။ ကျွန်တော့်ခွေးလေးကို အိမ်ပြန်ခေါ်လာပေးပါ။ ကျွန်တော့်လိပ်စာအတိုင်း ခွေးလာပေးပြီးတာနဲ့ နောက်တစ်ရက်၊ နှစ်ရက်နေရင် ကျွန်တော် ဒီနေရာကနေ ထွက်သွားတော့မှာပါ”လို့ စတာရစ်ချ်က ပြောပါတယ်။ စတာရစ်ချ်ဟာ လပ်ကီးလက်စီလို့ ခေါ်တဲ့ ပိုမီရာနီယန်ခွေးလေးရဲ့ဓာတ်ပုံတွေကို အင်စတာဂရမ်ပေါ် တင်ခဲ့သလို စောင့်ကြည့်ကင်မရာမှတ်တမ်းတွေလည်း တင်ခဲ့ပါတယ်။
Nz (ရိုးရာလေး)
