စပါးအသင်း အဓိကတိုက်စစ်မှူး ဟာရီကိန်းဟာ စပါးအသင်းက ဆောက်သမ်တန်ကို ၅ ဂိုး ၂ ဂိုးနဲ့အနိုင်တဲ့ ပွဲစဉ်မှာ ဟတ်ထရစ်ဂိုးသွင်းယူနိုင်ပြီးနောက် အင်္ဂလန် ဂန္တဝင် ကစားသမားကြီး အလန်ရှီးယား သွင်းယူထားတဲ့ ပြက္ခဒိန်တစ်နှစ်အတွင်း ပရီးမီးယားလိဂ် ဂိုးအများဆုံးသွင်းယူတဲ့ စံချိန်ကိုကျော်ဖြတ်နိုင်ခဲ့တယ်လို့သိရပါတယ်။
အင်္ဂလန်တိုက်စစ်မှုးဟာရီကိန်းဟာ ၂၀၁၇ ခုနှစ် ပြက္ခဒိန် တစ်နှစ်အတွင်း ဟတ်ထရစ်ဂိုး ၈ ကြိမ်သွင်းယူနိုင်မှုနဲ့အတူ ပရီးမီယားလိဂ် ဂိုးပေါင်း ၃၉ ဂိုးသွင်းယူထားနိုင်ခဲ့တယ်လို့သိရပါတယ်။ အင်္ဂလန် တိုက်စစ်မှုးဟောင်း အလန်ရှီးယားဟာ ၁၉၉၅ ခုနှစ်က ဘလက်ဘန်း ကစားသမားအဖြစ် ကစားချိန်မှာ ပြက္ခဒိန်တစ်နှစ်အတွင်း ဂိုးပေါင်း ၃၆ ဂိုး သွင်းယူခဲ့ပါတယ်။ ဆောက်သမ်တန်နဲ့ပွဲ ပွဲချိန်(၂၂)မိနစ်မှာ သွင်းယူခဲ့တဲ့ ဟာရီကိန်းရဲ့ ခေါင်းတိုက်ဂိုးက အဲဒီစံချိန်ကို ချိုးဖျက်နိုင်ခဲ့တာဖြစ်ပါတယ်။
ဟာရီကိန်းက ဆောက်သမ်တန်နဲ့ ပွဲမှာ ၃ ဂိုးသွင်းယူပြီးနောက် ပြက္ခဒိန်တစ်နှစ်အတွင်း သွင်းဂိုး ၃၉ ဂိုးရှိသွားခဲ့ပြီဖြစ်ပါတယ်။ စပါးအသင်း ဟာ ဆောက်သမ်နဲ့ ပွဲမှာအနိုင်ရခဲ့မှုကြောင့် ပရီးမီယားလိဂ် အမှတ်ပေးဇယား အဆင့် ၅ နေရာကို ရောက်ရှိခဲ့ပါတယ်။
ကောင်းထက်ငွေ (ရိုးရာလေး)
Ref : Skysports : Harry Kane break Premier League calendar year goals record
