ကိုရိုနာဗိုင်းရပ်စ် ကူးစက်ပျံ့နှံ့မှု တားဆီးကာကွယ်ရာမှာ တစ်တပ်တစ်အား ပါဝင်ကူညီတဲ့အနေနဲ့ သစ်သားလက်ဆေးကိရိယာ တီထွင်ခဲ့တဲ့ ကိုးနှစ်အရွယ် ကင်ညာကလေးငယ်ကို ကင်ညာသမ္မတက ဂုဏ်ပြုဆု ချီးမြှင့်ခဲ့ပါတယ်။ ” ကျွန်တော် လုပ်ထားတဲ့ ကိရိယာနှစ်ခုရှိပြီ။ နောက်ထပ် ထပ်လုပ်ချင်သေးတယ်။ ဆုရလို့ အရမ်းပျော်ပါတယ်”လို့ ဝါမူကိုတာက ပြောပါတယ်။
ဝါမူကိုတာ တီထွင်ထားတဲ့ သစ်သားလက်ဆေးကိရိယာဟာ လက်နဲ့ထိစရာမလိုဘဲ ခြေနင်းကို နင်းလိုက်ရုံဖြင့် ရေလောင်းပေးနိုင်တဲ့အတွက် ရောဂါကူးစက်မှု လျှော့ချနိုင်မှာပါ။ ဝါမူကိုတာဟာ ကိုရိုနာဗိုင်းရပ်စ် မကူးစက်အောင် ကာကွယ်ရမယ့် နည်းလမ်းတွေကို ရုပ်မြင်သံကြားကနေ ကြည့်ခဲ့ရပြီးနောက် လက်ဆေးကိရိယာ တီထွင်ဖို့ အကြံရခဲ့တာဖြစ်ပါတယ်။ ကင်ညာနိုင်ငံမှာ COVID-19 ကူးစက်ခံရသူ ၂၀၀၀ ကျော်ရှိနေပြီး လူ ၆၉ ယောက် သေဆုံးခဲ့ပါတယ်။ ဒါပေမဲ့ ဝါမူကိုတာတို့ မိသားစု နေထိုင်တဲ့ ကင်ညာနိုင်ငံ အနောက်ပိုင်း မူကွာရွာမှာတော့ ဗိုင်းရပ်စ်ကူးစက်ခံရသူ တစ်ဦးတစ်ယောက်မျှ မတွေ့ရသေးပါဘူး။
Nz(ရိုးရာလေး)
