တောင်ကိုရီးယားနိုင်ငံ Bupyeong မြို့ရှိ မိုတယ်အခန်းတစ်ခုအတွင်း မြန်မာအလုပ်သမားတစ်ဦးကို သေဆုံးလျက် တွေ့ရှိခဲ့တယ်လို့ တောင်ကိုရီးယားနိုင်ငံရှိ မြန်မာသံရုံး၊ အလုပ်သမားသံအရာရှိရုံးက ထုတ်ပြန်လိုက်ပါတယ်။
ဦးပြည့်ဖြိုးအောင်ကို အသက်(၃၂) နှစ်ကို ဇူလိုင်လ (၃၁) ရက် ည (၁၁) နာရီခွဲခန့်က မိုတယ်တစ်ခုအတွင်း သေဆုံးလျက်တွေ့ရှိခဲ့တာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
ဦးပြည့်ဖြိုးအောင် သေဆုံးမှု နှင့်ပတ်သက်၍ ဒေသဆိုင်ရာရဲစခန်းက COVID-19 ရှိ၊ မရှိ နဲ့ ရင်ခွဲစစ်ဆေးရန် ဆိုးလ်မြို့သို့ ရုပ် အလောင်းပို့ဆောင်စစ်ဆေးသွားမှာဖြစ်တယ်လို့ သိရပါတယ်။ သေဆုံးသူမှာ တောင်ကိုရီးယားနိုင်ငံမှာ ယခုနှစ်ကုန်ပိုင်းအထိ အလုပ်လုပ်ကိုင်နိုင်တဲ့ သက်တမ်းရှိသော တရားဝင်လုပ်သားတစ်ဦး ဖြစ်ပါတယ်။ ဒီသေဆုံးမှုဟာ တောင်ကိုရီးယားနိုင်ငံမှာ ဒီနှစ် (၇) လအတွင်း သုံးဦးမြောက် မြန်မာ အလုပ်သမား သေဆုံးခြင်းဖြစ်ပါတယ်။
ချယ်ရီ(ရိုးရာလေး)
