ကိုဗစ်-၁၉ ကပ်ရောဂါဒဏ် ခံစားနေရသူတွေအတွက် စားနပ်ရိက္ခာ ဝေငှပေးရာမှာ လာဘ်စားခဲ့တယ်ဆိုတဲ့ စွပ်စွဲချက်ကြောင့် အင်ဒိုနီးရှားနိုင်ငံ လူမှုဝန်ထမ်းဝန်ကြီးကို ဖမ်းဆီးထားပါတယ်။ စားနပ်ရိက္ခာထုပ်တွေ ဝေပေးဖို့ ကန်ထရိုက် ၂ ယောက်ကို လုပ်ငန်းအပ်နှံရာမှာ လူမှုဝန်ထမ်းဝန်ကြီး ဘာတူဘာရာက စားနပ်ရိက္ခာထုပ် တစ်ထုပ်စီအတွက် ရူပီး ၁၀၀၀၀ ( အမေရိကန်ဒေါ်လာ ဝ.၇၁ ဒေါ်လာ) လာဘ်စားခဲ့တာလို့ ဆိုပါတယ်။
ပြီးခဲ့တဲ့စနေနေ့မှာ အကျင့်ပျက်ခြစားမှု ဆန့်ကျင်တိုက်ဖျက်ရေး အေးဂျင့်တွေက ဘာတူဘူရာရဲ့ နေအိမ်ကို ဝင်ရောက်ရှာဖွေရာမှာ လက်ဆွဲအိတ်တွေ၊ တခြားအိတ်တွေထဲ ထည့်ထားတဲ့ ရူပီး ၁၄.၅ ဘီလျံကျော် ( အမေရိကန်ဒေါ်လာ တစ်သန်း) တွေ့ရှိခဲ့ပါတယ်။ အဲဒီစီးနင်းရှာဖွေမှုမှာ သံသယရှိသူ ၄ ယောက်ကို ဖမ်းဆီးထိန်းသိမ်းခဲ့ပြီး ပြီးခဲ့တဲ့တနင်္ဂနွေနေ့မှာ ဘာတူဘူရာက ကိုယ်တိုင်လာရောက် အဖမ်းခံခဲ့ပါတယ်။ ဘာတူဘူရာအနေနဲ့ လာဘ်စားတယ်လို့ စစ်ဆေးတွေ့ရှိပါက ထောင်ဒဏ် နှစ် ၂၀ ချမှတ်ခံရပြီး ရူပီးတစ်ဘီလျံ ဒဏ်ငွေပေးဆောင်ရမှာပါ။
Nz ( ရိုးရာလေး)
