Stay at Home သတ်မှတ်ထားတဲ့ မြို့နယ်ကသူတွေ ဧရာဝတီတိုင်းဒေသကြီးကိုလာရောက်ပါက ကွာရန်တင်း (၁၀) ရက်ဝင်ရမယ်လို့ ဧရာဝတီတိုင်းဒေသကြီး Covid-19 ထိန်းချုပ်ရေးနှင့်အရေးပေါ်တုံံ့ပြန်ရေးကော်မတီက ကြေညာလိုက်ပါတယ်။
Stay at Home မြို့နယ်ကသူတွေကို (၁၀) ရက်အသွားအလာကန့်သတ်ထားရှိပြီး (၃) ရက်မြောက်နေ့မှာ RDT Test Kit ပထမအကြိမ်၊ (၇) ရက်မြောက်နေ့မှာ RT-PRC နဲ့ ဒုတိယအကြိမ်၊ စုစုပေါင်း (၂) ကြိမ် Covid-19 ရောဂါရှိ၊ မရှိကို စစ်ဆေးသွားမှာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
စစ်ကိုင်းတိုင်းဒေသကြီးက တမူးနဲ့ ကလေးမြို့နယ်၊ ချင်းပြည်နယ်က တွန်းဇံ၊ ဟားခါး၊ ထန်တလန်၊ ဖလမ်းနဲ့ တီးတိန်မြို့နယ်၊ ပဲခူးတိုင်းဒေသကြီးက လက်ပံတန်းမြို့နယ်တို့ကို Stay at Home မြို့နယ်တွေအဖြစ် သတ်မှတ်ထားပါတယ်။
ဇွန်လ (၂၀) ရက်နေ့အထိ မြန်မာနိုင်ငံမှာ Covid-19 ပိုးတွေ့အတည်ပြုလူနာ စုစုပေါင်း (၁၄၈,၀၂၂) ဦး၊ ဆေးရုံခွင့်ရသူ စုစုပေါင်း (၁၃၃,၆၀၆) ဦးနဲ့ သေဆုံးသူ စုစုပေါင်း (၃၂,၆၂) ဦး ရှိနေပြီဖြစ်တယ်လို့ ကျန်းမာရေးဝန်ကြီးဌာန ဖော်ပြချက်အရ သိရပါတယ်။
Cherry(ရိုးရာလေး)
