“Shape of You” သီချင်းပိုင်ရှင် ကမ္ဘာကျော်အဆိုတော် အက်ဒ်ရှီရန်ဟာ လပ်ဗီးဂပ်စ်မြို့က မင်္ဂလာဆောင်ခန်းမကို သွားပြီးတော့ မင်္ဂလာသတို့သားနဲ့သတို့သမီးကို အံ့အားသင့်အောင်လုပ်ခဲ့ပါတယ်။ အက်ဒ်က မင်္ဂလာပွဲကို ရုတ်တရက်ရောက်လာပြီးတော့ မင်္ဂလာကတိကဝတ်ပြုနေကြတဲ့ သတို့သားနဲ့သတို့သမီးအတွက် မထွက်ရှိရသေးတဲ့ သီချင်းအသစ်တစ်ပုဒ်ကို သီဆိုပေးခဲ့ပါတယ်။
အဲဒီမင်္ဂလာသတို့သားနဲ့သတို့သမီးနာမည်က ဂျော်ဒန်နဲ့ ကာတာ လင်ဒန်ဖီလ်လို့ သိရပါတယ်။ သူတို့တွေက တစ်ယောက်နဲ့တစ်ယောက်လက်တွေကိုင်ထားရင်း မင်္ဂလာကတိကဝတ်ပြုနေတဲ့အချိန်မှာ အက်ဒ်က သူ့ရဲ့ဂစ်တာနဲ့ ပေါ်လာခဲ့ပြီးတော့ စက်တင်ဘာ ၂၉ ရက်နေ့မှာ Autumn Variations အယ်လ်ဘမ်ထဲက “Magical” သီချင်းကို သီဆိုပြခဲ့တာပါ။
သတို့သားနဲ့သတို့သမီးလည်း အတော်လေးအံ့အားသင့်သွားခဲ့တာပါ။ သူတို့မင်္ဂလာကတိကဝတ်ပြုပြီးသွားတဲ့နောက်မှာ အက်ဒ်နဲ့ဓာတ်ပုံရိုက်ဖို့ တောင်းဆိုခဲ့ပါတယ်။ အက်ဒ်က သတို့သားနဲ့သတို့သမီးအတွက် အသိသက်သေအဖြစ် လက်မှတ်ရေးထိုးပေးခဲ့တယ်လို့လည်း သိရပါတယ်။ လပ်ဗီးဂပ်စ်မြို့မှာ အပူလွန်ကဲမှုကြောင့် အက်ဒ်က Allegiant Stadium မှာ ပြုလုပ်မယ့် သူ့ရဲ့ဖျော်ဖြေပွဲကို ရွှေ့ဆိုင်းလိုက်ရပြီးတဲ့နောက်မင်္ဂလာပွဲကို ရောက်လာပြီး အခုလို Surprise တိုက်ခဲ့တာပါ။
Ref: Ed Sheeran Crashes Las Vegas Wedding With a ‘Magical’ Performance
WL (ရိုးရာလေး)
