ကိုရိုနာဗိုင်းရပ်စ်ကို တွန်းလှန်တိုက်ဖျက်ရာမှာ ပါဝင်ကူညီနေတဲ့ ပရဟိတအဖွဲ့တွေနဲ့ အဖွဲ့အစည်းတွေအတွက် ပေါင် ၁ သိန်းလှူဒါန်းပေးမှာဖြစ်ပြီး အမျိုးသားကျန်းမာရေးဌာန ဝန်ထမ်းတွေအတွက် သူတို့အသင်း ကားတွေကို စီစဉ်ပေးသွားမယ်လို့ အာဆင်နယ်အသင်းက ကြေညာခဲ့ပါတယ်။ ဗိုင်းရပ်စ်ကူးစက်ပျံ့နှံ့မှု ဖြစ်ပွားနေချိန်အတွင်း လူ့အဖွဲ့အစည်းအတွက် ကူညီပေးနိုင်မယ့် စည်းမျဉ်းတွေ ချမှတ်ထားတယ်လို့ အာဆင်နယ်အသင်းက ထုတ်ပြန်ခဲ့ပါတယ်။
အာဆင်နယ်နည်းပြ အာတီတာဟာ ပရီးမီးယားလိဂ်မှာ ပထမဆုံး COVID-19 ကူးစက်ခံရသူဖြစ်ပါတယ်။
အာတီတာဟာ ရောဂါကနေ ပြန်လည်သက်သာလာပြီး ကျန်းမာရေးကောင်းမွန်နေပါတယ်။ လူ့အဖွဲ့အစည်းအတွက် လိုအပ်နေချိန်မှာ တုံ့ပြန်လှုပ်ရှားဖို့ ဘယ်တော့မှာ တွန့်ဆုတ်မှာမဟုတ်ဘူးလို့ အာဆင်နယ်အသင်းက ပြောပါတယ်။ အာဆင်နယ်ဟာ ပရဟိတအဖွဲ့တွေနဲ့ အဖွဲ့အစည်းတွေအတွက် ပေါင် ၁ သိန်းလှူဒါန်းပေးမှာဖြစ်သလို အရင်တုန်းကလည်း Islington Giving အဖွဲ့နဲ့ ပူးပေါင်းပြီး ဒေသခံလူမှုအသင်းအဖွဲ့တွေကို ပေါင် ၅၀၀၀၀ လှူဒါန်းခဲ့ပါတယ်။ အာဆင်နယ်အသင်းဟာ ဗိုင်းရပ်စ်ကူးစက်ပျံ့နှံ့နေချိန်မှာ ပိတ်ထားရတဲ့ ဒေသခံစာသင်ကျောင်းတွေအတွက်လည်း ကူညီထောက်ပံ့ပေးဖို့ စီစဉ်နေပါတယ်။
Nz (ရိုးရာလေး)
