ဖူးခက်က နာမည်ကြီးနေရာတွေဖြစ်တဲ့ Kathu Temple နဲ့ Kata Noi Beach တွေမှာ မင်္ဂလာဓာတ်ပုံရိုက်ကူးနေတဲ့နိုင်ငံခြားသားတွေကို ဖူးခက်လူဝင်မှုကြီးကြပ်ရေးအရာရှိက သွားရောက်စစ်ဆေးခဲ့ပြီး ဥပဒေနဲ့အညီ မင်္ဂလာဓာတ်ပုံမရိုက်ကူးခဲ့တဲ့အတွက် အဲဒီနိုင်ငံခြားသားခုနှစ်ဦးကို ဖမ်းဆီးလိုက်ပါတယ်။
ဖူးခက်လူဝင်မှုကြီးကြပ်ရေးရုံးရဲ့သတင်းထုတ်ပြန်ချက်အရ မင်္ဂလာဓာတ်ပုံရိုက်ကူးရေးအဖွဲ့သားအားလုံးက အလည်အပတ်ဗီဇာကိုသာ ကိုင်ဆောင်ထားတဲ့နိုင်ငံခြားသားတွေဖြစ်ပါတယ်။ နိုင်ငံခြားသားခုနှစ်ဦးစလုံးကို စစ်ဆေးမေးမြန်းဖို့အတွက် Karon နဲ့ Kathu ရဲစခန်းကို ခေါ်ဆောင်သွားခဲ့ပါတယ်။ ဖူးခက်မှာ လုပ်ငန်းဗီဇာနဲ့မဟုတ်ဘဲ အလည်အပတ်ဗီဇာနဲ့သာ ဆက်တင်ဆောက်ပြီး မင်္ဂလာဓာတ်ပုံရိုက်ကူးခဲ့တဲ့အတွက်ကြောင့် အခုလိုအဖမ်းခံခဲ့ရတာဖြစ်တယ်လို့သိရပါတယ်။
ဒါကြောင့် အခြားဘယ်နိုင်ငံပဲသွားသွား စီးပွားဖြစ်အနေနဲ့အလုပ်တစ်ခုခုလုပ်ကိုင်မယ်ဆိုရင် လုပ်ငန်းဗီဇာလုပ်ပြီးမှ သွားသင့်ပါတယ်။
Ref: Seven arrested over illegal pre-wedding photo shoots in Phuket
WL (ရိုးရာလေး)
