ကစားသမားနဲ့ အသင်းအဖွဲ့ဝင် ၇၄၈ ယောက်ကို COVID-19 ရောဂါစစ်ဆေးရာမှာ ရောဂါပိုးရှိသူ ၆ ယောက် တွေ့ရတယ်လို့ ပရီးမီးယားလိဂ်ဘောလုံးအဖွဲ့ချုပ်က အတည်ပြုခဲ့ပါတယ်။ ရောဂါပိုးရှိသူတွေဟာ အသင်း ၃ သင်းက လူတွေဖြစ်ပြီး ဝက်ဖို့ဒ်အသင်းရဲ့ ကစားသမားတစ်ယောက်နဲ့ အသင်းအဖွဲ့ဝင် ၂ ယောက် ပါဝင်နေပါတယ်။ နောက်တစ်ယောက်ကတော့ ဘန်လေအသင်း လက်ထောက်နည်းပြ အီရန်ဝိုအန်လို့ သတင်းတွေက ဖော်ပြပါတယ်။ ဒါပေမဲ့ ပရီးမီးယားလိဂ်အဖွဲ့ချုပ်ကတော့ ရောဂါပိုးရှိသူတွေကို တရားဝင် ခွဲခြားဖော်ထုတ်ပေးဖို့ ငြင်းဆန်ထားပါတယ်။
ပြီးခဲ့တဲ့တနင်္လာနေ့မှာ ပရီးမီးယားလိဂ်ကလပ်တွေကို အဖွဲ့ငယ်တွေဖွဲ့ပြီး လေ့ကျင့်ခန်းဆင်းခွင့်ပေးခဲ့ပေမဲ့ ဝက်ဖို့ဒ်အသင်းခေါင်းဆောင် ဒီနေးအပါအဝင် ဝက်ဖို့ဒ်အသင်း ကစားသမားတွေကတော့ လုံခြုံစိတ်ချရတဲ့ အခြေအနေမရှိမချင်း လေ့ကျင့်ခန်းဆင်းမှာမဟုတ်ဘူးလို့ ငြင်းဆန်ထားပါတယ်။
Nz (ရိုးရာလေး)
