ဘရာဇီး ဂန္တဝင်ကစားသမားဟောင်း ရော်နယ်ဒင်ဟို ရွေးချယ်တဲ့ ချန်ပီယံလိဂ်သမိုင်းတစ်လျှောက် အကောင်းဆုံး ကစားသမား ၁၁ ယောက်စာရင်းမှာ ဂျူဗင်တပ်တိုက်စစ်မှူး ရော်နယ်ဒို ပါဝင်လာခြင်းမရှိပါဘူး။ ရော်နယ်ဒင်ဟိုဟာ ချန်ပီယံလိဂ်သမိုင်းတစ်လျှောက် အကောင်းဆုံးကစားသမားတစ်ယောက်ဖြစ်ပြီး ချဲလ်ဆီးဘက်ကို သွင်းယူခဲ့တဲ့ ဂိုးကလည်း ပြောစမှတ်တွင်ခဲ့ပါတယ်။
ရော်နယ်ဒင်ဟို ရွေးချယ်တဲ့ ချန်ပီယံလိဂ်သမိုင်းတစ်လျှောက် အကောင်းဆုံး ကစားသမား ၁၁ ယောက်စာရင်းမှာ ဂန္တဝင်ကစားသမားတွေ ပါဝင်နေပြီး သူတို့တွေရဲ့ ချန်ပီယံလိဂ်/ဥရောပဖလား ဆွတ်ခူးနိုင်မှုက ၁၈ လုံးအထိ ရှိပါတယ်။ ဂိုးသမားနေရာမှာ ဂျူဗင်တပ်ဂိုးသမား ဘူဖွန်ကို ရွေးချယ်ထားပြီး ၄ ယောက်တန်း ခံစစ်မှာ ကားလို့စ်၊ မာလ်ဒီနီ၊ ဂျွန်တယ်ရီ၊ ကာဖူးလ်တို့ ပါဝင်နေပါတယ်။ ကွင်းလယ်မှာ မက်ခီလီလီ၊ လမ်းပတ်၊ ကာကာတို့ကို ရွေးချယ်ခဲ့ပြီး ၃ ယောက်တန်း တိုက်စစ်မှာ ရော်နယ်ဒို(ဘရာဇီး)၊ မက်ဆီ၊ အွန်နရီတို့ကို ရွေးချယ်ခဲ့တာ တွေ့ရပါတယ်။ လက်ရှိဂျူဗင်တပ်အသင်းမှာ ကစားနေတဲ့ ပေါ်တူဂီတိုက်စစ်မှူး ရော်နယ်ဒိုဟာ ချန်ပီယံလိဂ်ဖလား ၅ လုံး ဆွတ်ခူးနိုင်ခဲ့ပြီး ချန်ပီယံလိဂ်ပြိုင်ပွဲတစ်လျှောက် ၁၂၈ ဂိုး သွင်းယူပြီး ဂိုးသွင်းဘုရင်အဖြစ် ရပ်တည်နေသူပါ။
Nz (ရိုးရာလေး)
