အင်ဒိုးနီးရှားနိုင်ငံ၊ အနောက်ဘက် ဂျာဗားပြည်နယ်က ဂျာနာ (Jana) ဆိုတဲ့ (၄၂) နှစ်အရွယ် အမျိုးသားတစ်ဦးဟာ သူ့ရဲ့အလှမွေးစပါးအုံးမြွေကြောင့် ပြီးခဲ့တဲ့ သောကြာနေ့က သေဆုံးခဲ့ပါတယ်။ အဲဒီ စပါးအုံးမြွေက အလေးချိန် (၁၇) ကီလိုဂရမ် နဲ့ အရှည် (၃) မီတာ ရှိပြီး ဂျာနာရဲ့ လည်ပင်းကို သေလောက်တဲ့အထိ ရစ်ပတ်ခဲ့တာဖြစ်တယ်လို့ သိရပါတယ်။
ဂျာနာရဲ့ဇနီးဖြစ်သူ အီလာ (Elah) က သူ့ရဲ့ခင်ပွန်းက အဲဒီမြွေကို ရေချိုးပေးနေရင်း လည်ပင်းအညှစ်ခံရပြီး သေဆုံးခဲ့ရတာဖြစ်တယ်လို့ ဆိုပါတယ်။
မြွေကတော့ သူ့သခင်ကို သတ်ပြီးတဲ့နောက်မှာ အိမ်ကနေ ထွက်ပြေးခဲ့ပါတယ်။ ဒါပေမဲ့ ဒေသခံတွေက အဲဒီဖြစ်ရပ်ကို သိပြီး မကြာခင်မှာပဲ မြွေကို ဖမ်းပြီး သတ်ပစ်ခဲ့ပါတယ်။ အဲဒီမြွေကို ဂျာနာရဲ့ အုတ်ဂူဘေးမှာပဲ မြှုပ်ခဲ့တယ်လို့ သိရပါတယ်။
Ref: Asia One “Man killed by pet python in West Java”
WL (ရိုးရာလေး)
