အမျိုးသားတစ်ဦးရဲ့ အူလမ်းကြောင်းကို မှန်ပြောင်းကြည့်ရင်း သူ့ရဲ့ အူထဲမှာ ယင်ကောင် အရှင်တစ်ကောင် ရှိနေတာကို ဆရာဝန်တွေက တွေ့ရှိခဲ့ပါတယ်။ အသက် ၆၃ နှစ်အရွယ် အမေရိကန် အမျိုးသားတစ်ဦးဟာ ယခုနှစ်အစောပိုင်းမှာ အူမကြီးကင်ဆာ ပုံမှန်စစ်ဆေးမှုလုပ်ဖို့ မစ်ဇူရီပြည်နယ်ဆေးရုံကို လာပြခဲ့ပါတယ်။
ဆရာဝန်တွေက သူ့ရဲ့အူလမ်းကြောင်းထဲကို ကင်မရာထည့်ပြီး စစ်ဆေးမှုလုပ်ရာမှာ အူမကြီးရဲ့ ထိပ် ကန့်လန့် အူမပိုင်းထဲကနေ ယင်ကောင် အရှင်တစ်ကောင် ရှိနေတာ တွေ့ရှိခဲ့တာပါ။
အသီးအနှံနဲ့ ဟင်းသီးဟင်းရွက်တွေမှာ ယင်ကောင်ဖြစ်လာစေမယ့် ပိုးတုံးလုံးတွေ ပါဝင်နေလေ့ရှိပေမဲ့ အူလမ်းကြောင်းကို မှန်ပြောင်းမကြည့်ခင် သူ စားခဲ့တဲ့ အစားအစာတွေထဲမှာ ယင်ကောင် ပါမသွားတာ သေချာတယ်လို့ အဲဒီအမျိုးသားက ဆိုပါတယ်။
အဲဒီယင်ကောင်က အူလမ်းကြောင်းထဲ ဘယ်လောက် ရောက်သွားသလဲဆိုတာနဲ့ အစာအိမ်အက်ဆစ်ရည်တွေ ထွက်နေတဲ့နေရာမှာ ဒီယင်ကောင် ဘယ်လိုအသက်ရှင် နေနိုင်လဲဆိုတာကိုတော့ အဖြေရှာ မရသေးပါဘူး။
” အူထဲကနေ တကယ့်ရှားရှားပါးပါး တွေ့ရှိမှုပါပဲ။ ဒီယင်ကောင်က ကန့်လန့်အူမပိုင်းထဲကို အထိအခိုက်မရှိဘဲ ဘယ်လိုရောက်သွားသလဲဆိုတာ စဉ်းစားရခက်လှပါတယ်”လို့ မှန်ပြောင်းကြည့်တဲ့ ဆရာဝန်တွေက အစာအိမ်နဲ့ အူလမ်းကြောင်းဆိုင်ရာ အမေရိကန်စာစောင်မှာ ရေးသားခဲ့ပါတယ်။
Ref: Doctors Find Living Fly in Man’s Intestines During Colonoscopy
NZ ( ရိုးရာလေး)
