ဒတ်ချ်ဘီယာကုမ္ပဏီ Heineken က လော့စ်အိန်ဂျလိစ်မြို့ အခြေစိုက် The Shoe Surgeon ဖိနပ်ကုမ္ပဏီနဲ့ ပူးပေါင်းပြီး အောက်ခံခြေနင်းပြားမှာ ဘီယာထည့်ထားတဲ့ ဖိနပ်ကို ထုတ်လုပ်ခဲ့ပါတယ်။ Heineken က သူတို့ရဲ့ ထုတ်ကုန်သစ် Heineken Silver ထွက်ရှိတဲ့ အထိမ်းအမှတ်အဖြစ် Heinekicks ဖိနပ်ကို ထုတ်လုပ်ခဲ့တာဖြစ်ပြီး အောက်ခံခြေနင်းမှာ Heineken Silver ဘီယာရည် ထည့်သွင်းထားတာပါ။
ဖိနပ်မှာ ဘီယာဖောက်တံ ထည့်သွင်းလို့ရတဲ့ အိတ်ကပ်ငယ်လေးလည်း ထည့်သွင်းထားပါတယ်။ Heinekicks ဖိနပ်ကို တစ်ကမ္ဘာလုံးမှာ ၃၂ ရံပဲ ထုတ်လုပ်တာဖြစ်ပြီး စင်ကာပူနိုင်ငံမှာတော့ သြဂုတ်လ ၁ ရက်နေ့ကစပြီး Limited Edition Vault ဖိနပ်စတိုးမှာ ပြသသွားမှာ ဖြစ်ပါတယ်။
NZ (ရိုးရာလေး)
