မိုက်တိုင်ဆန်က သူ့နားရွက်ကို ကိုက်လိုက်ချိန်မှာ သူ့ပါးကို ပြန်ကိုက်ပြီး ချက်ချင်းလက်တုံ့ပြန်ချင်ခဲ့တယ်လို့ ကမ္ဘာ့ဟဲဗီးဝိတ်ချန်ပီယံဟောင်း အီဗန်ဒါဟိုလီဖီးလ်က ပြောပါတယ်။ ၁၉၉၆ ခုနှစ်က ထိုးသတ်ခဲ့တဲ့ပွဲစဉ်မှာ အီဗန်ဒါဟိုလီဖီးလ်က ထင်ကြေးတွေကို တက်တက်စင်အောင် လွဲချော်စေခဲ့ပြီး သံမဏိမိုက်တိုင်ဆန်ဆီက WBA ကမ္ဘာ့ဟဲဗီးဝိတ်ချန်ပီယံခါးပတ်ကို လွှဲပြောင်းရယူခဲ့ပါတယ်။ အဲဒီအတွက် နောက်တစ်နှစ်အကြာမှာ သူတို့နှစ်ယောက် စိတ်မကျေပွဲ ထိုးခဲ့ကြပြီး ဒီပွဲမှာ မိုက်တိုင်ဆန်က ဟိုလီဖီးလ်ရဲ့ နားရွက်ကို ကိုက်ခဲ့တာပါ။
” သူက ကျွန်တော့်နားရွက်ကို ကိုက်တယ်။ ကျွန်တော် စိတ်ထိန်းမရအောင်ဖြစ်သွားတယ်။ သူ့ကိုလည်း ပြန်ကိုက်ချင်တယ်။ ဒါပေမဲ့ ကျွန်တော် ပြန်ကိုက်လိုက်ရင် လက်ဝှေ့လောက ဘာဖြစ်သွားမလဲလို့ စဉ်းစားကြည့်တယ်။ အကောင်းဆုံးလက်ဝှေ့သမားနှစ်ယောက် အပြန်အလှန် ကိုက်ကြ၊ ခေါင်းနဲ့ဝှေ့ကြတဲ့ဖြစ်ရပ်ကြောင့် လက်ဝှေ့အားကစား အဆုံးသတ်သွားနိုင်တယ်။ အဲဒီလိုဆိုရင် အခုချိန်မှာ လက်ဝှေ့အကြောင်း ပြောလို့ရမှာတောင် မဟုတ်တော့ဘူး”လို့ ဟိုလီဖီးလ်က ပြောပါတယ်။
Nz ( ရိုးရာလေး)
