ကြံ့သတ်သမားလို့ သံသယရှိသူတစ်ဦးကို ဆင်က နင်းသတ်ပြီး ခြင်္သေ့များက စားသောက်ခဲ့

တောင်အာဖရိကနိုင်ငံ ခရူဂျာအမျိုးသားဥယျာဉ်ထဲမှာ ကြံ့သတ်သမားလို့ သံသယရှိခံရတဲ့သူတစ်ယောက်ဟာ ဆင်နင်းခံရပြီး သေဆုံးခဲ့ပြီး သူ့ရဲ့ ရုပ်အလောင်းကို ခြင်္သေ့တွေက စားသောက်ပစ်ခဲ့ပါတယ်။ သူနဲ့အတူ ခရူဂျာအမျိုးသားဥယျာဉ်ထဲ ဝင်သွားတဲ့ အပေါင်းအပါတွေက ဆင်နင်းခံရလို့ သူ သေသွားတဲ့အကြောင်းကို သူ့မိသားစုထံ အကြောင်းကြားခဲ့ပါတယ်။

သူ့မိသားစုက ဥယျာဉ်လုံခြုံရေးအစောင့်အကြပ်တွေကို အကျိုးအကြောင်းပြောပြပြီး ရှာဖွေခဲ့ရာမှာ လူ့ဦးခေါင်းခွံနဲ့ ဘောင်းဘီရှည် နှစ်ထည် တွေ့ခဲ့ပါတယ်။ ခရူဂျာအမျိုးသားဥယျာဉ်မှာ သားရဲတိရစ္ဆာန်တွေကို တရားမဝင်သတ်ဖြတ်တဲ့ ပြဿနာ ကြုံနေရပါတယ်။ အာရှနိုင်ငံတွေမှာ ကြံ့ဦးချိုဝယ်လိုအား မြင့်တက်လာတာကလည်း တရားမဝင် သတ်ဖြတ်မှုတွေကို တွန်းအားပေးသလို ဖြစ်စေခဲ့ပါတယ်။

Nz (ရိုးရာလေး)