လွန်ခဲ့တဲ့နှစ်အနည်းငယ်က ပတ်ထရစ် ခါဖ်မန်းဆိုတဲ့ ဆယ်ကျော်သက်လေးဟာ ဝါရှင်တန်ဒီစီစားနပ်ရိက္ခာအဖွဲ့တစ်ခုမှာ လူငယ်စေတနာ့ဝန်ထမ်းအဖြစ် သူငယ်ချင်းတချို့နဲ့အတူ Valentine’s Day ကတ် အခု (၃၀) ပြုလုပ်ခဲ့တာပါ။ သူ့ရဲ့ကတ်တွေကို နေမကောင်းတဲ့ကလေးတွေနဲ့ လူကြီးတွေဆီ ပေးပို့တဲ့ အစားအသောက်ထုတ်ပိုးမှုအတွင်း ထည့်ပေးခဲ့တာပါ။ အဲဒီကနေစပြီး Valentine’s Day ကတ်မရဖူးတဲ့သူတွေဆီ ကတ်တွေပြုလုပ်ပြီးပို့ပေးနေခဲ့တာပါ။
![](https://yoyarlay.com/wp-content/uploads/2023/02/14.2.2023-image-10.jpg)
![](https://yoyarlay.com/wp-content/uploads/2023/02/14.2.2023-image-11.jpg)
၂၀၂၀ ခုနှစ်မှာ ပတ်ထရစ်ဟာ သူ့ကျောင်းက သူငယ်ချင်းတွေကို ၂၀၂၁ ခုနှစ် Valentine’s Day အတွက် ကတ် ၃၀၀ ဖန်တီးပေးဖို့ အကူအညီတောင်းခဲ့ပါတယ်။ Food & Friends အကျိုးအမြတ်မယူတဲ့အဖွဲ့အစည်းက ထုတ်ပေးတဲ့အစားအသောက်တွေမှာ ထည့်ပေးဖို့ပါ။ အဲဒီနောက် ၂၀၂၂ ခုနှစ်မှာ ကျောင်းသူ/သားတွေရဲ့အကူအညီနဲ့ ကတ် ၃၀၀ ကနေ ကတ် ၃၀၀၀ အထိ လုပ်ခဲ့ပါတယ်။
![](https://yoyarlay.com/wp-content/uploads/2023/02/14.2.2023-image-12.jpg)
![](https://yoyarlay.com/wp-content/uploads/2023/02/14.2.2023-image-13.jpg)
အခုနှစ်မှာတော့ တစ်ခုမှမရဖူးတဲ့သူတွေအတွက် Valentine’s Day ကတ် (၁၆၀၀၀) ဖန်တီးဖို့ လုပ်ခဲ့ပါတယ်။ ဒါတွေကို ဝါရှင်တန်ဒီစီ၊ မေရီလန်းပြည်နယ်၊ ဗာဂျီးနီးယားပြည်နယ်တွေက ကျောင်း (၆၂) ကျောင်းမှ ကျောင်းသား/သူတွေ ပြုလုပ်ခဲ့တာပါ။ ပတ်ထရစ်က ကိုယ်တိုင်ကိုယ်ကျ စာသင်ကျောင်းတွေဆီသွားပြီး စေတနာ့ဝန်ထမ်းတွေကို စုဆောင်းခဲ့တာပါ။
![](https://yoyarlay.com/wp-content/uploads/2023/02/14.2.2023-image-14.jpg)
ပတ်ထရစ်က “Valentines by Kids” လို့ခေါ်တဲ့ သူ့ရဲ့ပရောဂျက်အတွက် ဝက်ဘ်ဆိုဒ်တစ်ခုကိုလည်း ဖန်တီးခဲ့ပါတယ်။ အဲဒီကနေတဆင့် လူတွေကို မေတ္တာစာတွေ ရေးသားပြီး ချစ်ခြင်းမေတ္တာဖြန့်ဝေကြဖို့ တိုက်တွန်းပါတယ်။ ဘူးတွေထဲထည့်ထားတဲ့ ကတ် ၁၆၀၀၀ ကို အဖွဲ့အစည်း ၆၀ ဆီပို့ဆောင်ပေးမှာပါ။ ဒီကတ်တွေက လက်ခံရရှိမယ့်သူတွေကို ပြုံးပျော်ရွှင်စေမယ်လို့ ပတ်ထရစ်က မျှော်လင့်နေပါတယ်။
Ref: Kind-hearted teen sends 16,000 Valentine’s day cards to people who won’t usually get one
WL (ရိုးရာလေး)