ဩဂုတ်လ ၈ ရက်နေ့က တောင်ကိုရီးယားနိုင်ငံရဲ့မြို့တော် ဆိုးလ်မြို့မှာ မိုးသည်းထန်စွာ ရွာသွန်းမှုကြောင့် အိမ်၊ အဆောက်အဦးတွေ၊ လမ်းတွေနဲ့ မြေအောက်ရထားဘူတာတွေ ရေလွှမ်းခဲ့ရပါတယ်။
နောက်ထပ် မိုးပိုလာနိုင်ဖွယ်ရှိတယ်လို့ မိုးလေဝသခန့်မှန်းသူတွေက သတိပေးထားပါတယ်။ တောင်ကိုရီးယားမှာ မိုးသည်းထန်စွာရွာသွန်းမှုကြောင့် ဘယ်လောက်တောင် ရေလွှမ်းခဲ့ရလဲဆိုတာကို အင်တာနက်အသုံးပြုသူတွေက ဓာတ်ပုံတွေ၊ ဗီဒီယိုတွေနဲ့ မျှဝေခဲ့ကြတာပါ။
အင်တာနက်အသုံးပြုသူတွေ မျှဝေခဲ့တဲ့ ဓာတ်ပုံတွေထဲမှာ ပုံတစ်ပုံက လူစိတ်ဝင်စားမှုများခဲ့ပြီး Meme ပုံ ဖြစ်လာခဲ့ပါတယ်။ ရေမြုပ်နေတဲ့ ကားတစ်စီးပေါ်မှာ အမျိုးသားတစ်ယောက် ထိုင်နေတဲ့ ဓာတ်ပုံပါပဲ။ အဲဒီအမျိုးသားက အေးဆေးဆေးဆေးပဲ ထိုင်နေပြီး ဖုန်း (သို့) Tablet သုံးနေပုံရပါတယ်။
တချို့ အင်တာနက်အသုံးပြုသူတွေက ရှုထောင့်အမျိုးမျိုးကနေ ရိုက်ထားတဲ့ အဲဒီအမျိုးသားရဲ့ဓာတ်ပုံတွေကိုလည်း မျှဝေခဲ့ပါတယ်။ အဲဒီအမျိုးသားရဲ့ဓာတ်ပုံကို ရုပ်ရှင်ဇာတ်ကားပိုစတာတွေအဖြစ် အမျိုးမျိုးဖန်တီးခဲ့ကြပါသေးတယ်။
နောက်ပိုင်းမှ အင်တာနက်အသုံးပြုသူတွေက အဲဒီအမျိုးသားဟာ Yonhap News သတင်းထောက် ပတ်ဆန်ရူဖြစ်တယ်လို့ ပြောခဲ့ကြပါတယ်။ ဒါပေမဲ့ အဲဒီအမျိုးသားက ဘယ်သူဆိုတာကိုတော့ အတည်မပြုရသေးပါဘူး။
Ref: Korean Man Chills On Top Of His Car During Flood, Sparks Memes
WL( ရိုးရာလေး )
