ချန်ပီယံလိဂ်ပွဲစဉ် လူစာရင်းကနေ ထုတ်ပယ်ခံရပြီးနောက်မှာ ဝေးလ်တောင်ပံကစားသမား ဘေးလ်က ရီးရဲလ်အသင်းကနေ ထွက်ခွာချင်နေတယ်လို့ စပိန်သတင်းစာ AS က ဖော်ပြပါတယ်။ အသက် ၃၀ အရွယ်ရှိတဲ့ ရီးရဲလ်တောင်ပံကစားသမား ဘေးလ်ဟာ ဘယ်လ်ဂျီယံကလပ်ဘရုဂျက်နဲ့ (၂)ဂိုးစီ သရေကျခဲ့တဲ့ပွဲစဉ်မှာ ရီးရဲလ်အသင်း ကစားသမားစာရင်းကနေ ချန်လှပ်ခံခဲ့ရပါတယ်။ ဘေးလ်အနေနဲ့ ကစားသမားစာရင်းကနေ ချန်လှပ်ခံခဲ့ရပေမဲ့ ကွင်းထဲမှာ ရှိနေရမှာပါ။
ဒါပေမဲ့ ပွဲစပြီး (၄)မိနစ်ကြာမှ ဘာနေဗျူးကွင်းကို ဘေးလ် ရောက်လာခဲ့တယ်လို့ စပိန်ရုပ်သံလိုင်း Deportes Cuatro က ဖော်ပြခဲ့ပါတယ်။ နည်းပြဇီဒန်းနဲ့ ဆက်ဆံရေးအဆင်မပြေတဲ့ ဘေးလ်ဟာ ဘရုဂျက်နဲ့ ကစားခဲ့တဲ့ပွဲ ကြံ့ခိုင်မှုပြည့်ဝပေမဲ့ ကစားသမားစာရင်းကနေ ချန်လှပ်ခံခဲ့ရတာပါ။ အဲဒီအတွက် ဘေးလ်က ရီးရဲလ်အသင်းကို စိတ်ကုန်နေပြီး လာမယ့်နွေရာသီ အပြောင်းအရွှေ့မှာ အသင်းပြောင်းဖို့ လိုလားနေတယ်လို့ ဆိုပါတယ်။
Nz (ရိုးရာလေး)
