ပေါ့ပ်ဂီတဘုရင်မ အဖြစ်တင်စားခေါ်ဝေါ်ခံရတဲ့ အဆိုတော်မက်ဒေါနားဟာ အသက် ၂၃ နှစ်အရွယ် သူ့ချစ်သူကောင်လေးမော်ဒယ်အန်ဒရူး ဒါနယ်လ်နဲ့ လမ်းခွဲခဲ့ပြီးနောက် အသက် ၂၉ နှစ်အရွယ် လက်ဝှေ့နည်းပြနဲ့ ချိန်းတွေ့နေတယ်လို့သတင်းထွက်ရှိနေပါတယ်။ အသက် ၆၄ နှစ်အရွယ် မက်ဒေါနားက နယူးယောက်မြို့က Bredwinners Gym တည်ထောင်သူလည်းဖြစ်တဲ့၊ သူ့ရဲ့ကလေးတွေထဲက တစ်ဦးကိုလည်း လေ့ကျင့်သင်ကြားပေးနေတဲ့ လက်ဝှေ့နည်းပြဂျော့ချ် ပေါ့ပ်ပါနဲ့ တွဲနေတယ်လို့အတွင်းသတင်းတွေအရ သိရပါတယ်။
![](https://yoyarlay.com/wp-content/uploads/2023/03/2.3.2023-yyl-iamge-5.jpg)
မက်ဒေါနားနဲ့ ဂျော့ချ်တို့ တစ်ယောက်နဲ့တစ်ယောက်မေတ္တာသက်ဝင်နေကြတယ်လို့ မတ်လ ၁ ရက်နေ့က Dailymail သတင်းဌာနက ဖော်ပြပါတယ်။ ပြီးခဲ့တဲ့လက မက်ဒေါနားဟာ သူ့ရဲ့အင်စတာဂရမ် Storyမှာ ဂျော့ချ်ရဲ့လက်မောင်းကိုကိုင်ထားပြီး ပခုံးကို မျက်နှာအပ်ထားတဲ့ပုံတွေကိုလည်း တင်ခဲ့တာတွေ့ရပါတယ်။
![](https://yoyarlay.com/wp-content/uploads/2023/03/2.3.2023-yyl-iamge-6.jpg)
ဂျော့ချ်က အဲဒီပုံတွေထဲက တစ်ပုံကိုလည်း သူ့ရဲ့အကောင့်မှာ တင်ခဲ့ပြီး မက်ဒေါနားပခုံးကိုဖက်ပြီးရိုက်ထားတဲ့ပုံလည်း ပါဝင်ပါတယ်။ ဂျော့ချ်ဟာ Bredwinners Gym လက်ဝှေ့အားကစားရုံမဖွင့်ခင် လွန်ခဲ့တဲ့ ၃ နှစ်နီးပါးက အသက်အာမခံတွေရောင်းချနေခဲ့တာပါ။ သူက Summer House Reality Show နောက်ဆုံး season မှာလည်း ပါဝင်ခဲ့ဖူးပါတယ်။ သူ မက်ဒေါနားနဲ့တွဲနေတယ်ဆိုတာကို အတည်ပြုထားခြင်းမရှိသလို ငြင်းဆိုထားခြင်းလည်းမရှိပါဘူး။
Ref: Madonna, 64, reportedly dating 29-year-old boxer after splitting from model, 23
WL (ရိုးရာလေး)