မန်စီးတီးအသင်းဟာ ပရီးမီးယားလိဂ်ပြိုင်ပွဲမှာ တစ်ရာသီအတွင်း ၁၀ ဂိုးနဲ့အထက် သွင်းယူနိုင်တဲ့ ကစားသမား ၅ ယောက်ရှိတဲ့ ပထမဆုံးအသင်းအဖြစ် စံချိန်တင်ခဲ့ပါတယ်။ နယူးကာဆယ်ကို ၅ ဂိုးပြတ် အနိုင်ရခဲ့တဲ့ပွဲစဉ်မှာ တစ်ဂိုးသွင်းယူနိုင်ခဲ့တဲ့ မာရက်ဇ်ဟာ ဒီရာသီ ပရီးမီးယားလိဂ်ပြိုင်ပွဲမှာ ၁၀ ဂိုးသွင်းယူနိုင်တဲ့ ၅ ယောက်မြောက် မန်စီးတီးအသင်းသား ဖြစ်ခဲ့ပါတယ်။ မန်စီးတီးဟာ ၁၉၈၄-၈၅ ရာသီက အဲဗာတန်အသင်းနောက်ပိုင်း ဒီစံချိန်ကို ပထမဆုံး ပိုင်ဆိုင်တဲ့အသင်းပါ။
ဒီရာသီ ပရီးမီးယားလိဂ်ပြိုင်ပွဲမှာ မန်စီးတီးအတွက် ၁၀ ဂိုးနဲ့အထက် သွင်းယူပေးခဲ့ကြတာကတော့ အဂွေရို(၁၆ ဂိုး)၊ စတာလင်(၁၃ ဂိုး)၊ ဒီဘရိုင်း (၁၁ ဂိုး)၊ ဂါဘရီယယ်ဂျီးဆပ်(၁၁ ဂိုး)၊ မာရက်ဇ်( ၁၀ ဂိုး)တို့ဖြစ်ပါတယ်။ မန်စီးတီးအသင်းဟာ ဒီရာသီမှာ ပရီးမီးယားလိဂ်သွင်းဂိုး (၈၃)ဂိုးအထိ သွင်းယူနိုင်ခဲ့ပြီး ပရီးမီးယားလိဂ်ချန်ပီယံ လီဗာပူးအသင်းထက် ၉ ဂိုး ပိုများနေပါတယ်။
Nz ( ရိုးရာလေး )
